Abioportu JFK de Noa Iorcu

Dae Wikipedia, s'entziclopedia lìbera.
Custu artìculu est iscritu in sa grafia logudoresa. Abbàida sas àteras bariedades gràficas:

campidanesu · LSC · nugoresu


S'abioportu internassionale John F. Kennedy est su transitadorzu abiàtigu prus importante de sa tzitade de Noa Iorcu. Est postu in s'arrodu de Queens, a unos 19 chilòmetros dae sa parte de zosso de s'arrodu de Manhattan, e pertenet a sa Tzitade de Noa Iorcu. In s'atualidade, est nolitadu a s'Autoridade de sos Trasportos de sos Istados de Noa Iorcu e New Jersey. In su 2.011, est istadu s'abioportu de sos IAA cun su tràfigu internassionale prus mannu de passizeris, e su de tres pro su chi pertocat su tràfigu internassionale de mercantzias.

Su transitadorzu fiat cunnotu comente abioportu de Idlewild finas a 1.963, addaghi fiat istadu dedigadu a John F. Kennedy, su de 35 Presidentes de sos Istados Aunidos assassinadu in cussu annu.

Atuarmente, sunt operativos ses terminales in s'abioportu, cun unu totale de addae de noranta cumpanzias abiàtigas. Alitalia òperat in su Terminale 1. Su JFK est s'ùnigu abioportu de s'Amèriga de su Norte, paris cun s'abioportu internassionale Pearson de Toronto, dae ue moent bolos destinados a totu sos ses continentes abitados.

Sos ses terminales sunt cunetados dae unu trenu a tzircuitu aneddale, chi còmunicat finas cun su metropolitanu, dae ue benit bene e lestru a nche sizire Manhattan. S'impreu de su trenu est senacostu in intro de s'aneddu e finas a sa prima istassione de su metropolitanu.