Aparcadore illìtzitu

Dae Wikipedia, s'entziclopedia lìbera.

Sos aparcadores o istassionadores illìtzitos sunt pessones ch'isvilupant sena autorizadura su rolu de tentadores de beìculos motorizados in zonas su prus pùbrigas destinadas, regularmente o nono, a s'aparcamentu.

Su fenòmenu de sos aparcadores illìtzitos est ispainadu mescamente in su tzentru-suddu continentale, in particulare Sitzìlia, Campània e Abrutzu, in ue est relassionadu cun sa criminalidade organizada (camorra e màfia), insertende-si in s'istratezia de cuntrollu de su territòriu de custas organizaduras, peroe est in ispainadura lestra, e pertocat finas s'Apùlia, su Làtziu (prus chi totu in sas zonas iscarales), àteras zonas de su tzentru, unas cantas reziones de su nordu (in ue s'aparcamentu illìtzitu est pratigadu siat dae italianos siat dae istranzos) e finas sa Sardinna.

Cussiderende logos particularmente frechentados, comente siant sos caminos in sas probianias de prajas, discutegas, ispidales o àteros logos de interessu, e sa “tarifa” dimandada de diferentes euros, finas a 10-20 euros pro betura, s'aparcamentu illìtzitu podet renner foras male diferentes chentinas o mizas de euros sa die a un'aparcadore individuale, chi a pustis at a pagare una parte de su balanzu a s'organizadura criminale chi li permitit d'operare in su territòriu.

In medas casos, s'aparcamentu illìtzitu devenet iscurpimentu cun onzi règula a dannu de sos chi aparcant, cun minetzas regulares de dannos a s'automòbile si non si pagat, gasi che atemorimentos e atacos fìsigos.

In casos bariados, s'aparcamentu illìtzitu est realizadu in arzolas in ue no est autorizadu s'istassionamentu, su chi a bias cuntrìbuit a cunzestare su tràfigu.

In unos cantos casos, s'aparcamentu illìtzitu est pratigadu in sas fascas biaìtas, o siat reguladas peri s'istassionamentu contra costu. S'automobilista si bidet duncas custrìnghidu a pagare tantu sa tarifa regulare che s'aparcadore illìtzitu.

Sunt istadas bariadas, belle ch'isporàdigas, sas assiones de sos istituimentos pro chircare de ponner camu a su fenòmenu, peroe finas a como sunt resurtadas su prus ineficassas.

In onzi modu, est bonu chi chie si siat s'abizet de sa presèntzia de aparcadores illìtzitos sinzalet deretu su fatu a su 112 o a su 113.