Avatar

Dae Wikipedia, s'entziclopedia lìbera.
Custu artìculu est iscritu in sa grafia logudoresa. Abbàida sas àteras bariedades gràficas:

campidanesu · LSC · nugoresu


Avatar est unu film de James Cameron, prodotu dae 20th Century Fox. Su film est bessidu in sos cinemas in su 2009, ma in Italia e in Svitzera est arrivadu solu in su 2010 ca sa 20th Century Fox at detzididu de no lu pònnere in su matessi periodu chi sunt bessidos sos film nadalitzios 'e Cristian de Sica e Leonardo Pieraccioni.

Trama[modìfica | modìfica su còdighe de orìgine]

Unu grupu de terrestres, dapoi de unu viagiu de chimbe annos, arrivat in su satellite de su pianeta Polifemo, chi si giamat Pandora, pro chircare s'unobtanium, unu materiale pretziosu chi s'agatat igue. Pro esplorare su pianeta ant criadu sos Avatar, chi sunt copias de tzertos componentes 'e su grupu, otennidas miscende su DNA de sos omines cun cussu e sos indigenos de Pandora. Cun d'unu machinariu tecnologicu si podet trasferire momentaneamente sa mente in cussa de su propriu Avatar.

Esplorende sa foresta, s'Avatar de Jake Sully si perdet e incontrat Neytiri, un'indigena chi faeddat sa limba sua e chi lu giuget dae sos ateros indigenos. Babbu sou detzidit de lu faghere restare cun a issos e dat a Neytiri su compitu de l'insegnare sas traditziones issoro. Candu Jake torrat in su sou corpu de umanu, contat totu a sos àteros, chi detzidint de isfrutare sa situatzione: in s'enorme àivure inue abitant sos indigenos c'at una enorme cantidade de unobtanium. Su compitu de Jake est cussu de cumbinchere a sos indigenos a lassare s'àivure. Ma cun su passare 'e su tempu, Jake s'abizat chi cuss'àivure est sa cosa pius importante pro sos indigenos e detzidit, umpare a sos cumpagnos suos Grace, Norm e Trudy, de proteggere s'àivure e sos abitantes de Pandora dae sos àteros omines chi bi lu cherent bogare cun sa forza.

Produtzione[modìfica | modìfica su còdighe de orìgine]

Su film est istadu realizadu cun potentes machinarios tecnologicos: pro animare sos Avatar sunt istados utilizados sos movimentos de sos atores, chi dapoi sunt istados trasferidos a sos modellos tridimensionales de sos Avatar.

Puru pro custu, su film est costadu 237 milliones de dollaros e est su pius caru e s'istoria 'e su cinema. Però, cun sos 2 milliardos de dollaros otennidos, est puru su film chi at guadagnadu de pius in s'istoria.