Conservatoria de sas Costeras

Dae Wikipedia, s'entziclopedia lìbera.

Sa Conservatoria de sas Costeras de sa Sardigna, Conservatoria delle Coste della Sardegna in italianu, est un'agentzia de sa Regione Autònoma de Sardigna istituida cun sa Lege Regionale 29 maju 2007, n. 2.

Compitos[càmbia | edit source]

Sas finalidades istitutzionales de s'Agentzia sunt cuddas de salvaguardia, tutela e valorizatzione de sos ecosistemas de sas costeras e de sa gestione integrada de sas àreas de particulare rilevantzia paesagìstica e ambientale, de propriedade de sa Regione o postas a disponimentu suo. Dae parte de sugetos pùblicos o privados.

Òrganos e personale[càmbia | edit source]

Sa Conservatoria est istada creada comente Agentzia autònoma pro mezus afrontare tematicas no pertocant a s'ordinaria organizatzione de s'aministratzione regionale. Sos òrganos suos sunt su Comitadu iscièntificu, su Diretore esecutivu e su Collegiu de sos revisores.

Diretore esecutivu:

  • Dot.ing. Alessio Satta

Comitadu iscièntificu:

  • Prof. Sandro Demuro, presidente
  • Prof. Ignazio Camarda
  • Arch. Sandro Roggio

Collegiu de sos revisores de sos contos:

  • Dot. Giovanni Nicola Paba, presidente
  • Dot.ra Carolina Cristiana Casu
  • Dot. Stefano Scanu

Sa Conservatoria est articolada in d'una diretzione generale e in duas diretziones de servìtziu incàrrigadas de sas atividades de istudiu, gestione amministrativa, de s'atividade tècnica, de pianificatzione e gestione patrimoniale. A su reclutamentu de su personale si providit, in sa prima fase de vida de s'Ente, a traversu protzeduras de mobilidade interna rivoltas a sos dipendentes de s’aministratzione e a pustis cun protzeduras pùblicas secundu sas modalidades istabilidas dae sa lege regionale e dae s'istatutu de s'Agentzia.

S'atzione de sa Conservatoria[càmbia | edit source]

Sa Conservatoria de sas Costeras, concepida dae su modellu inglesu de su National Trust ma supra totu de cuddu frantzesu de su Conservatoire du Littoral at unu ruolu de completamentu de s’atzione de defensa de sas areas de sas costeras cun sos istrumentos chi esistint de pianificatzione, programmatzione e di regolamentatzione. Sa Conservatoria acuisit sos territòrios prus fragiles e delicados a traversu donatziones ispontaneas o eccezionalmente pro mèdiu de acuistu deretu.

A pustis d'àere afetuadu sos traballos de riprìstinu ambientale e naturalìsticu de sas aeras de sas costeras, sa Conservatoria las potet gestire in pròpriu o l'afidare in gestione a àteros entes o agentzias regionales, a sas comunas, a sos àteras comunidades locales e a associatziones o cooperativas pro assegurare una correta gestione in prenu respetu de sas leges e de sas normas de referèntzia istabilidas.

Sa Conservatoria determinat comente depent èssere amministrados e gestidos sos territòrios, in manera chi sa natura de cuddos logos siat mantènnida semper bella e rica comente in origine. Definit in fines sos usos, in particulare agricolos e turisticos compatibiles cun custos obietivos.

Imàgines[càmbia | edit source]

Paesàgios de sas costeras sardas

Cullegamentos de foras[càmbia | edit source]