EuroMaidan

Dae Wikipedia, s'entziclopedia lìbera.


Articulu in nugoresu

Manifestantes chin bandèras falàos in Pratta de s'Indipendentzia (Kiev).

Chin su favèddu de EuroMaidan si ìnditant totus sas manifestàdas pro-europeas de su 2013-2014 in Ucraina, chin sunt cumintzàdas a nàschere cando, in su 21 de Sant'Andrìa de su 2013, su gubernu ucrainu aìat suspéndiu un'acordu de assòtziu tra s'Ucraina e s'Unione Europea.

Su movimentu tenet su lùmen de EuroMaidan pro totu su chi de importu mannu est acadìu in Prata de s'Indipendèntzia, o Maidan, chi est cussa printzipale de Kiev (in ucrainu: Євромайдан, Yevromaïdan). Ant a pùstis mudàu su lùmen in Eurorevolution (in ucrainu: Єврореволюція, Yevrorevolioutsia).

Cronaca de sa chèscia[modìfica | modìfica su còdighe de orìgine]

In su 30 de Sant'Andrìa, sa zente chi manifestabat de manèra pachiòsa in Kiev nche l'at bocada a fortza su gubernu dae Prata Maidan (o "de s'Indipendentzia"), ind un'atu chi chi at pesàu unu muntone de chèscias a libellu internatzionale, una cramada a s'iscioperu zenerale, s'ocupamentu de sa tzitade de Kiev e su blocu de totus sos zassos istitutzionales. Sos manifestantes, chi dìant èssere prus de 100.000, pèdint sa tucàda de su presidente Viktor Yanukovych.

In s'8 de Nadàle de su 2013, unas chentìnas de mìza de pessones si ant adobiàu in prata pro nàrrer chi eja a s'Europa e si istesiàre dae sa Russia. In Kiev, in su cursu de sa manifestada, sa zente nche at ghettàu a terra un'istatua de Lenin, secàndeli sa conca.

In su 25 de jannàrju de su 2014, su presidente Janukovyč at propostu a sos capos de s'opositzione sa presidèntzia ucraina, dàndeli custa offerta: custos bi l'ant peròe refudàda, e sa dìe chi est bènnia a pùstis sos manifestantes ant occupau su palatu de sas espositziones "Domo Ucraina", fravicàu in s'epoca sovietica, furàndeli su cuntrollu a s'autoridade.

Interventu diplomaticu pro ch'essìre dae sa crìsi[modìfica | modìfica su còdighe de orìgine]

A 2014 cumintzàu, Barack Obama aìat mandau in Ucraina a Victoria Nuland, diplomatica americana pro sos raportos chin s'Europa e s'Eurasia, pro s'istudiare sa situatzione chircànde fìntzas una manera pro si che la isbolicàre. Su pianu issoro pro nche fàcher essìre s'Ucraina dae sa crisi bidìat s'interventu de s'ONU, chin su placet americanu a su prozetu, e dìat dèper pònner de accòrdu siat sos manifestantes falàos in prata, siat sa Russia de Vladimir Putin chi sa politica natzionale ucraina si b'aìat meda accurtziàu.