Gaddhuresu

Dae Wikipedia, s'entziclopedia lìbera.
(Reindiritzadu dae Galluresu)

Ozieri-Stemma.png
Articulu in logudoresu
Ozieri-Stemma.png

Sos dialettos Corsicanos

Su gaddhuresu (Galluresu) est unu dialetu còrsicanu, faeddadu in sa regione istoriga de sa Gallura (Gaddhura), in sa banda nord-orientale de sa Sardigna. Est unu limbagiu meda prossimu a cussu faeddadu in sa Corsica meridionale, prezisamente in sos distrettos de Sartene e de s' "Alta Rocca". Sa prus antiga documentatzione letteraria risalit a sa prima meidade de su setteghentos. Si podent notare sas istigas de su sardu logudoresu in su galluresu ca su 20% de su ditzionariu est de origine sarda ma sa pronuntzia, sa sintassi e sa gramatica sunt de tipu corsicanu. Impare a su tàtaresu appartenit a su gruppu de sos dialettos "Sardu-Corsicanos" et est connottu dae sos linguistas cun su numene de Corsu-Galluresu.

Difusione[càmbia | edit source]

Sos dialettos Sardu-Cossos

Su galluresu est ispartu in sa parte manna de sa nòa Provìntzia de Terranoa-Tèmpiu e in calchi comuna de sa Provìntzia de Tàtari: Tèmpiu, Sa Madalena, Altzaghèna, Calanzanos, Atzos, Bortigiadas, Lungone, Logusantu, Palau, Santu Fratziscu 'e Aglientu, Trinidade e Binzola, Teltis, Figari, Santa Maria Coghinas (SS), Badesi, Viddalba (SS), Sant'Antòni 'e Calanzanos, Loèri-Poltu Santu Paulu, Santu Deadoru e Erula (SS). Est puru faeddadu, in minorìa, in sa comuna de Codarruìna (SS), Pèifugas (SS), Berchidda, Monte, Oscheri, Padru e Budune.

In sa tzitade de Terranoa e in sas biddas de Luras e Padru est pius faeddadu su logudoresu, in sa variante settentrionale. Sos dialettos faeddados in Casteddu Sardu (SS) e in su nord de s'Anglona, in Sedini (SS) e Sa Mudditza de Codaruìna (SS) sunt dialettos de transitzione pius influenzados da su tatharesu; solu calchi paraula est galluresa. In Casteddu Sardu peroe bi sunt diversas formas pro narrer una paraula, una tatharesa ( pius impitada) s'atera galluresa ( pagu impitada). Sicumente in casteddanu sa maiorìa de paraulas sunt de origine sarda comente su tatharesu, sende unu dialettu pius tatharesu che galluresu.

Gramatica[càmbia | edit source]

Articulos determinativos (sing./plur.): lu/li, la/li

Articulos indeterminativos: unu, una

Pronomenes personales: eu, tu, iddu/idda, noi, voi, iddi

Verbos: Sos verbos an tres coniugaziones (, , ).

Verbu esse (essere):

  • Indicativu presente: eu socu, tu sei, iddu è, noi semu, voi seti, iddi sò;
  • Indicativu imperfettu: eu era/eru, tu eri, iddu era, noi erami, voi érati, iddi erani;
  • Indicativo futuru: eu saragghju, tu sarai/saré, iddu sarà, noi saremu, voi sareti, iddi sarani;
  • Congiuntivu presente: chi eu sia, chi tu sii, chi iddu sia, chi noi sìami, chi voi sìati, chi iddi sìani;
  • Congiuntivu imperfettu: chi eu fussi, chi tu fussi, chi iddu fussi, chi noi fussimi, chi voi fussiti, chi iddi fussini;
  • Conditzionale: eu sarìa, tu sarìsti, iddu sarìa, noi sarìami, voi sarìati, iddi sarìani;
  • Gerundiu presente: essendi/sendi;
  • Gerundiu passadu: essendi/sendi statu;

Verbu (aère):

  • Indicativu presente: eu agghju, tu hai, iddu ha, noi aèmu/èmu, voi aèti/éti, iddi ani;
  • Indicativu imperfettu: eu aìa/aìu, tu aìi, iddu aìa, noi aìami, voi aìati, iddi aìani;
  • Indicativu futuru: eu aragghju, tu arài/arè, iddu arà, noi aarèmu, voi aaréti, iddi aaràni;
  • Congiuntivu presente: chi eu agghjia, chi tu agghji, chi iddu agghja, chi noi àgghjimi, chi voi àgghjiti, chi iddi àgghjini;
  • Congiuntivu imperfettu: chi eu aissi, chi tu aissi, chi iddu aissi, chi noi aissimu, chi voi aissiti, chi iddi aissini;
  • Conditzionale: eu aarìa, tu aarìsti/aarii, iddu aarìa, noi aarìami, voi aarìati, iddi aarìani;
  • Gerundiu presente: aèndi;
  • Gerundiu passadu: aendi aùtu;

Coniugatzione in -à - Verbo amà (amare):

  • Indicativu presente: eu amu, tu ami, iddu ama, noi amemu, voi ameti, iddi amani;
  • Indicativu imperfettu: eu amaa, tu amai, iddu amaa, noi amaami, voi amaati, iddi amaani;
  • Indicativu passadu remodu: eu amesi, tu amesti, iddu amesi, noi amesimi, voi amesiti, iddi amesini;
  • Indicativu futuru: eu amaragghju, tu amarè, iddu amarà, noi amarèmu, voi amaréti, iddi amarani;
  • Congiuntivu presente: chi eu àmia, chi tu ami, chi iddu àmia, chi noi àmiami, chi voi àmiati, chi iddi àmiani;
  • Congiuntivu imperfettu: chi eu amàssia, chi tu amàssi, chi iddu amàssia, chi noi amàssimi, chi voi amàssiti, chi iddi amàssini;
  • Conditzionale: eu amarìa, tu amarìsti, iddu amarìa, noi amarìami, voi amarìati, iddi amarìani;
  • Gerundiu presente: amèndi;
  • Gerundiu passado: aendi amatu;

Coniugatzione in -ì - Verbo timì (timere):

  • Indicativu presente: eu timu, tu timi, iddu timi, noi timimu, voi timiti, iddi timini;
  • Indicativu imperfettu: eu timia, tu timìi, iddu timìa, noi timìami, voi timìati, iddi timìani;
  • Indicativu passadu remotu: eu timìsi, tu timìsti, iddu timisi, noi timìsimi, voi timìstiti, iddi timìsini;
  • Indicativu futuru: eu timaragghju, tu timaré, iddu timarà, noi timarèmu, voi timaréti, iddi timaràni;
  • Congiuntivu presente: chi eu timia, chi tu timii, chi iddu timia, chi noi timiami, chi voi timiati, chi iddi timiani;
  • Congiuntivu imperfettu: chi eu timissi, chi tu timissi, chi iddu timissi, chi noi timissimu, chi voi timissiti, chi iddi timissini;
  • Conditzionale: eu timarìa, tu timarìsti/aarii, iddu timarìa, noi timarìami, voi timarìati, iddi timarìani;
  • Gerundiu presente: timèndi;
  • Gerundiu passadu: aendi timùtu;

Coniugatzione in -é - Verbo vidé (bidere):

  • Indicativu presente: eu vicu, tu vidi, iddu vidi, noi vidimu, voi viditi, iddi vidini;
  • Indicativu imperfettu: eu vidìa, tu vidìi, iddu vidìa, noi vidìami, voi vidìati, iddi vidìani;
  • Indicativu passadu remotu: eu vidìsi, tu vidisti, iddu vidisi, noi vidìsimi, voi vidìstiti, iddi vidìsini;
  • Indicativu futuru: eu vidaràgghju, tu vidaré, iddu vidarà, noi vidarèmu, voi vidaréti, iddi vidaràni;
  • Congiuntivu presente: chi eu vidìa, chi tu vidìi, chi iddu vidìa, chi noi vidìami, chi voi vidìati, chi iddi vidìani;
  • Congiuntivu imperfettu: chi eu vidìssia, chi tu vidìssia, chi iddu vidìssia, chi noi vidìssiami, chi voi vidìssiati, chi iddi vidìssiani;
  • Condizionale: eu vidarìa, tu vidarìsti, iddu vidarìa, noi vidarìami, voi vidarìati, iddi vidarìani;
  • Gerundiu presente: vidèndi;
  • Gerundiu passadu: aendi vidùtu;

Sos raros verbos de custa coniugatzione ("aé", "cunviné", "cridé", "esse", "intindé","priidé", "sapé", "tiné", "vidé", "viné", "vulé") sun tottus irregolares.

Una curiosidade de interessu de su galluresu est sa presentzia de duas maneras pro coniugare s'indicativu imperfettu, comente sutzedet in sa limba corsicana:

Verbu andà (andare):

  • Indicativu imperfettu standard: eu andàa. tu andài, iddu andàa, noi andàami, voi andaàti, iddi andàani;
  • Indicativu imperfettu alternativu: eu andagghjìa, tu andagghjìi, iddu andagghjìa, noi andagghjiami, voi andagghjìati, iddi andagghjìani.

In sa segunda manera de coniugare e in tzertas biddas, su sonu -gghjì- vene pronuntziadu -i- (andagghjìami -> andaìami).

Numeros: unu, dui, tre, cattru, cincu, sei, setti, ottu, noi, deci, undici, dodici, tredici, cattoldici, chindici, sedici, dicessetti, diciottu, dicennoi, vinti, ..., trinta, caranta, cincanta, ..., centu, duicentu, ..., middi, duimilia, ...;

dies: luni, malti, màlcuri, ghjoi, vènnari, sabbatu, duminica;

Meses: ghjinnagghju, friagghju, malzu, abrili, magghju, lampata/giugnu, agliola/lugliu, aùstu, capidannu/sittembri, Santigaini/uttobri, Sant'Andria, natali.

Istazones: branu/primmaèra, statiali/istati, vagghjimu/ottùgnu, invarru/varru;

Colores: biancu/canu/ant.albu [biancu], nieddu [nieddu], ruiu/ant.russu [ruju], giallu/grogu [giallo], biaittu/blu [biaitu], tulchinu [blàu], veldi [berde], grisgiu/canu/murru [murru], biaittògnu/purpurinu [viola], aranciu/aranciò [arantzu], marrò/castagnu [marrone].

Esempiu de galluresu[càmbia | edit source]

La più bedda di Gaddura (Nostra Signora di Locusantu, Regina di Gaddura) di Ciccheddu Mannoni:
(dae su situ de "l'Accademia di la Linga Gadduresa")

Gadduresu Corsicanu Sardu Sassaresu

Tu se’ nata par incantu
diliziosa elmosùra
la meddu di Locusantu
la più bedda di Gaddura.

Se’ bedda chi dugna cori
s’innammurigghja di te
pa l’occhj mei un fiori
ed è la meddu chi c’è.

E socu vecchju canutu
e socu a tempu passendi
parò sempri burrulendi
comu m’eti cunnisciutu

Cantu campu decu fà
sempri onori a Locusantu
ch’è la tarra di l’incantu
di ca' veni a istragnà.

La Patrona di Gaddura
l’emu noi in Locusantu
incurunata da lu cantu
cussì bedda criatura.

Tù sè nata par incantu
diliziosa biddezza
a meddu di Locusantu
a più bedda di Gaddura.

Sè bedda chì ugni cori
s’innamurighja di tè
pà l’ochji mei un fiori
ed hè a meddu chì ci hè.

E socu vechju canutu
è socu à tempu passendu
parò sempri burlendu
comu m’eti cunnisciutu

Quantu campu devu fà
sempri onori à Locusantu
ch’hè a tarra di l’incantu
di quà veni à sughjurnà.

A Patrona di Gaddura
l’emu no in Locusantu
incurunata da u cantu
cusì bedda criatura.

Tue ses naschida pro incantu
delitziosa ermosura
sa menzus de Logusantu
sa prus bella de Gallura.

Ses bella gai chi donzi coro
s'innamorat de a tie
pro sos ogros meos unu frore
e ses sa menzus chi b'est.

E seo betzu e canu
e su tempus meu est colande
però seo semper brullande
comente m'azis connottu.

Pro cantu bivo appo a depper fàghere
semper onore a Logusantu
chi est sa terra 'e s'incantu
de chie benit a l'abbisitare.

Sa patrona de Gallura
la tenimus nois in Logusantu
coronada de su cantu
gai bella creadura.

Tu sei nadda pà incantu
diriziosa ermosura
la megliu di Loggusantu
la più bedda di Gaddura.

Sei bedda chi dugna cori
s'innamureggia di te
pà l'occi mei un fiori
ed è la megliu chi z'è.

E soggu vecciu canuddu
e soggu a tempu passendi
parò sempri burlendi
cumenti m'aveddi cunnisciddu.

Cantu campu debu fà
sempri onori a Loggusantu
chi è la terra di l'incantu
di ca veni a visità.

La patrona di Gaddura
l'abemmu noi in Loggusantu
incurunadda da lu cantu
cussì bedda criaddura.

Ascurta in Galluresu [1]

Boghes curreladas[càmbia | edit source]

Cullegamentos de foras[càmbia | edit source]