Judicadu de Arborea

Dae Wikipedia, s'entziclopedia lìbera.
(Reindiritzadu dae Giuigadu de Arborea)

Flag of the Italian region Sardinia.svg
Articulu in LSC
Flag of the Italian region Sardinia.svg

Istema de su Giuigadu de Arborea

Su Judicadu o Giuigadu de Arbaree (Zudicadu de Arbaree in Logudoresu o Giudicau de Arbaree in Campidanesu) est istadu unu de sos bator rennos chi dividiant sa Sardigna pro sa prus parte de s'Edade de Mesu. Su nomene 'giuigadu' in logu de rennu est depidu a s'origine bizantina de custa istitutzione: sos bator rennos sunt de fatu naschidos a sighidu de sa dibilesa de s'Imperiu Romanu de Oriente, de cale s'isula faghiat parte, in antis a sas lompidas barbaricas.

Istoria[càmbia | edit source]

Su Giuigadu, cun capitale in antis in Tharros e a coa in Aristanis, naschiat a pustis de s'annu 1000, in antis si creet ca siat istadu parte de su Giuigadu de Torres. Cuntantu custu, est istadu de sos bator su chi prus at resistidu e cumbatiu pro sa indipendentzia sua, contra de sas republicas de Genova e Pisa in antis, contra de sos cadelanos a pustis. Chi de fatu su giuigadu de Torres fiat a suta de sa voluntade de sos genovesos, su giuigadu de Gallura a suta de sos pisanos e su giuigadu de Calaris fintzas guvernadu de sos pisanos giai de su XIII seculu, su de Arborea me in sos seculos at semper chircadu de si mantennere autonomu e pesadas sas alliantzias de istringhere. In sos res de custu rennu est creschida fortzis pagu a pagu sa mira de unire sa Sardigna a suta de sa corona issoro. A cumprobu de custu sa gherra contra de sos Cadelanos. In s'annu 1297 su paba Bonifatziu VIII detzidiat de donare - licentia invadendi - Sardigna e Corsica a sa corona de Aragona, pro assentare sas brigas intra de sos cadelanos e sos Angiò. In sos seculos a sighire sos giuighes de Arborea ant difendidu sa Sardigna e su rennu issoro contra de Aragona, conchistende sa prus parte de s'isula cando sos ateros giuigados fiant arrutos. A foras de su controllu suo a partire de su 1354 iscetis Castrum Caralis (oe Casteddu) e S'Alighera, chi abarraiant fideles a sos aragonesos. Est in sa segunda metade de custu seculu chi si sunt distinghidos in antis su giuighe Marianu IV, a pustis sa figia Lionora. Sa batalla de Seddori in su 1409 sinniat sa fine de custu rennu.

Elianora de Arbarèe sighet a essere una de sos eroes natzionales de su populu sardu.

Curadorias[càmbia | edit source]

Su giuigadu de Arborea si dividiat in treighi curadorias:

  • Barbaza de Ollolai
  • Guilcer
  • Barigadu
  • Campidanu Miris
  • Mandrolisai
  • Campidanu Majore
  • Barbaza de Brebì o Meana
  • Parte Balentza o Barbaxana
  • Campidanu Simaghis
  • Useddus
  • Marmidda
  • Partes Montes o Montangia
  • Bonurtzuli