Incadradore

Dae Wikipedia, s'entziclopedia lìbera.
Incadradore (Burkina Faso)

S'incadradore, o operadore de càmara, est sa pessone chi assionat fisigamente in sa telecàmara o in sa tzinecàmara in una produidura telebisenca o tzinematogràfiga, cun sa finalidade de releare e emiter o grabare sas issenas dimandadas.

Cunforme a sa zenia e a su livellu de sa produidura, s'incadradore podet esser una figura profissionale independente o finas su deretore etotu o su responsàbile de sa fotografia. In sa produidura telebisenca est meda frechente su casu de una produidura murticàmara cun sa presèntzia de prus operadores.

Dae su puntu de bista profissionale, sa figura sua est a metade intre sa cumpetèntzia tènniga e sa sensibilidade creativa. In su mamentu de sa releada, difatis, est su chi s'agatat pretzisamente in sa posissione de su puntu de bista de sa pellìcula. Pro custa resone, devet interpretare in sentidu bisuale sas dimandas de su deretore e de su responsàbile de sa fotografia, devende mantenner a suta de cuntrollu sos aspetos tènnigos de sa releada.