Istoria 'e sos alfabetos

Dae Wikipedia, s'entziclopedia lìbera.
S'articulu est iscritu in Logudoresu.

S'istoria 'e s'alfabetu comintzat in s'Antigu Egittu. In su 2700 prima de Christu sos Egitzianos aìant isvilippadu unu insieme chi aìat circa 22 geroglificos pro rappresentare totas sas consonantes chi tenia sa limba egitziana, e in pius b'aiat un àteru simbulu chi forsi rappresentaiat sa vocale 'e su cominzu o de sa fine de una paràula. Custos simbulos fint rappresentados comente una guida a sa pronuntzia de sos logogrammas, pro iscrìere inflessiones grammaticales e, pius tardu, pro iscriere puru paràulas istranieras. Nonostante custu, su sistema no fit usadu pro motivos alfabeticos. Si pensat chi sa prima iscritura alfabetica 'e su totu l'aìant isviluppada guasi 2000 annos prima de Christu pro sos tribagliadores de origine semitica in s'Egittu tzentrale. In sos chimbe seculos dapoi s'est diffusu in su nord e guasi totus sos alfabetos 'e su mundu derivant, direttamente o pius pagu direttamente, dae custu alfabetu, cun s'eccezione, forsi, de s'alfabetu meroiticu, unu adattamentu 'e su geroglificu de sa Nubia.

S'alfabetu semiticu[càmbia | edit source]

Sos alfabetos 'e s'edade 'e su bronzu de s'Egittu los devent ancora decifrare. Paret comunque chi siant partzialmente o 'e su totu alfabeticos. Sos pius antigos esempios los conoschimus ca sunt iscrittos in sas paredes 'e sas grotas de s'Egittu tzentrale chi ant fattu guasi in su 1800 prima de Christu. Custa iscritura semitica non si limitaiat a rappresentare sas consonantes 'e s'egitzianu chi esistiat già, ma aìat incorporadu tantos àteros geroglificos egizianos, goi sos geroglificos in custu alfabetu fint in tottu 30, e pro issos usaiat nomes semiticos. Pro esempiu, su geroglificu "per" ("domo" in egtizianu) diventaiat "bait" ("domo" in semiticu). Òis no comprendimus si custos simbulos cheriant narrere solu "b" (como bait, "casa"), o si cheriat narrere b et puru byt, como in egizianu p et pr. Candu sos canaanitas ant acquisidu s'iscritu, fit solu alfabeticu, e su geroglificu chi primu rappresentaiat domo dapoi s'est riferidu solu a sa b.

Discendentes 'e su semiticu abjad[càmbia | edit source]

Phönizisch-5Sprachen-2.png

Sa tabella faghet bidere sas literas 'e sos bàtoro alfabetos derivados dae su feniciu abjad.

S'alfabetu protocananeu, como s'egitzianu, rappresentaiat solu sas consonantes, e constituiat unu sistema de iscritura giamadu abjad. Dae custu derivant guasi totus sos alfabetos utilizados, et meda de custos discendent dae sa pius noa iscritura 'e s'alfabetu feniciu iscritu.

S'alfabetu aramaicu, chi est derivadu dae cussu feniciu in su VII seculu prima de Christu e est diventadu s'iscritura ufficiale 'e s'Imperu Persianu, paret chi siat su babbu 'e guasi totus sos alfabetos modernos:

  1. S'alfabetu ebraicu nou (su primu alfabetu ebraicu derivat dae cussu samaritanu)
  2. S'alfabetu arabu, derivadu dae s'aramaicu atraversu cussu nabateu, chi s'est isviluppadu in cussa chi òis est sa Giordania meridionale.
  3. S'alfabetu 'e sa Siria usadu dapoi de su III seculu, s'est evolvidu, attraversu su pahlavi e su sogdianu, in sos alfabetos 'e s'Asia 'e su nord, comente s'orcon, s'uiguru, su mongolu et su manciù.
  4. S'alfabetu georgianu tenet una provenientzia pagu zerta, ma paret chi faghet parte de sa familia persianu-aramaica (o forsi de cussa greca).
  5. S'alfabetu aramaicu est puru su babbu pius probabile de sa brahmi 'e s'India, chi s'est diffusa in su Tibet, in su sud-ovest 'e s'Asia e in Indonesia cun sas religiones hidù e cussu buddista (Sa Cina e su Giappone ant mantennidu sas iscrituras chi teniant dae primu, chi fint logograficas et sillabicas).

S'alfabetu hangul l'ant inventatu in Corea in su XV seculu. Sa traditzione narat chi l'aìant inventada solu issos; ma istudios retzents narant chi podet derivare da ses literas 'e su tibetanu atraversu s'iscritura phagspa de sa dinastia imperiale Yuan 'e sa Cina.

S'alfabetu feniciu aìat ispiradu no solu cussu aramaicu, ma puru su grecu e su berberu. Iscriere sas vocales aìat de tzertu mezoradu sa leggibilidade de s'egizianu, de su berberu o de su semiticu, ma no bi fint, e custu fit unu problema sopratutu po su grecu, chi tenet un'istrutura de sa paràulas divescia, ca fit una lingua indoeuropea. Sos Grecos ant risoltu custu problema meda ingegnosamente: usaìant sos segnos chi rappresentaìant consonantes chi no bi fint in sa limba issoro po iscriere sas vocales. Pro esempiu, sos grecos no teniant su colpu de glottide o s'aspirazione 'e sa h, e po custu sas literas `alep et he, duas literas fenicias, l'ant fatas diventare s'alfa et sa e (Chi pius a tardu l'ant a giamare èpsilon), chi rappresentaìant sas vocales /a/ et /e/ invece de rappresentare /ʔ/ e /h/. Sa waw et su yod consistiant in duas consonantes approssimantes, /y/ e /w/, chi s'assemizaìant a sas vocales /i/ e /u/, e po custu fint usadas po sas literas grecas iota e ìpsilon. Curiosa est s'istoria 'e sa het fenicia, chi rappresentat un'aspirada. Issa l'aìant usada pro sa e longa (giamada eta) in tzertas zonas 'e sa Grecia inue sos dialetos non teniant sonos aspirados. In àteros logos 'e sa Grecia fit usada invece pro segnalare s'aspiratzione, chi at dadu origine goi a s'acca 'e su latinu e a s'ispiritu aspru 'e su grecu. Custa est istada sa nascita de ses vocales grecas, chi in totu fint dòighi; dapoi sos grecos ant fatu àteras modificas, comente ei, ou, e o (chi dapoi est diventada omega).

Paret chi su grecu est s'origine 'e totus sos sistemas 'e iscritura europeos. S'alfabetu 'e sos noos dialetos grecos occidentales, inue sa litera eta est restada una h, at creadu s'italicu anticu e sos alfabetos romanos. In sos dialetos grecos orientales, inue no bi fit sa /h/, eta rappresentaiat una vocale, et rimanet una vocale in su grecu modernu e in totus sos ateros alfabetos derivados dae sas variantes de su est: glagoliticu, cirillicu, armenu, goticu (chi usaìat litteras grecas e puru romanas), e forsi su georgianu.

Custa descritzione presentat s'evolutzione 'e sas iscrituras linearmente, ma est solu una semplificatzione. Pro esempiu, s'alfabetu manciù, derivadu dae s'abjad 'e s'ovest de s'Asia, fit puru influentzadu dae s'hangul coreanu, chi fit indipendente (in su modu traditzionale) o derivadu dae s'abugidas de su sud 'e s'Asia. Su georgianu paret chi derivat dae sa familia 'e s'aramaicu, ma est istadu influentzadu meda in sa sua creazione dae su grecu. S'alfabetu grecu, chi fit derivadu dae sos geroglificos attraversu su primu alfabetu semiticu, pius a tardu at adottadu ses geroglificos demoticos candu l'ant usadu po iscriere s'egitzianu copto. Dapoi b'est su Cree Syllabics (una abugida), chi paret chi siat una fusione de su devanagari e de su Pitman shorthand. Pius a tardu podiat essere una invenzione indipendente, ma pius probabilmente tenet sas suas origines finales in su latinu iscritu corsivu.

Nomes de litteras et sequenzias[càmbia | edit source]

No s'ischit cantas litteras aìat s'alfabetu proto-sinaiticu e mancu in cale ordine fint postos sos caratteres. De sos suos discendentes, s'alfabetu ugariticu aìat 27 consonantes, s'alfabetu arabe de su sud n'aìat 29, e s'alfabetu feniciu ne conteniat 22. custas iscritturas teniant duos ordines, unu ordine ABGDE feniciu e un'ordine HMĦLQ in su sud; s'ugariticu teniat tottus duos sos ordines. Tottas duas sas sequenzias si sunt dimostradas stabilissimas tra sos discendentes 'e sas iscritturas.

Sos nomes 'e sas litteras risultat chi siant stabiles tra tottus sos numerosos discendentes 'e su feniciu, puru su samaritanu, s'alfabetu aramaicu, su sirio, s'ebraicu e s'alfabetu grecu. Comunque los ant abbandonados po s'arabu e su latino. Sa sequenzia 'e sas litteras est continuada s'est pius o menos conservada in su latino, armenu, goticu et cirillicu, ma l'ant abbandonada in su brahmi, in su runico e in s'arabu, puru si unu tradizionale ordine abjad est rimastu o est istadu reintrodottu comente alternativa in sas litteras.

Sa tabella inue sutta rappresentar un'ischema 'e s'alfabetu feniciu e de sos suos discendentes.

nr. Proto-Cananeu AFI valore Ugariticu Feniciu Ebraicu Arabu Atteras discendenzas
1 ʼaleph "bove" /ʔ/ 1 𐎀 ʼalpa 15px|Aleph ʼāleph א Α A А
2 bet "domo" /b/ 2 𐎁 beta 15px|Beth bēth ב Β B В-Б
3 gaml "baculu po lanciare" /g/ 3 𐎂 gamla 15px|Gimel gīmel ג Γ C-G Г
4 dalet "janna" / digg "pische" /d/ 4 𐎄 delta 15px|Daleth dāleth ד Δ D Д
5 haw "balcone" / hll "giubilo" /h/ 5 𐎅 ho 15px|He ה هـ Ε E Е-Є
6 wāw "uncinu" /β/ 6 𐎆 wo 15px|Waw wāw ו و Template:Polytonic-Υ F-V-Y У
7 zen "arma" / ziqq "manicu" /z/ 7 𐎇 zeta 15px|Zayin zayin ז ز Ζ Z З
8 ḥet "filu" / "rezintu"? /ħ/ / /x/ 8 𐎈 ḥota 15px|Heth ḥēth ח ح Η H И
9 ṭēt "roda" /tˁ/ 9 𐎉 ṭet 15px|Teth ṭēth ט ط Θ Ѳ
10 yad "brazzu" /j/ 10 𐎊 yod 15px|Yodh yōdh י ي Ι I
11 kap "manu" /k/ 20 𐎋 kap 15px|Kaph kaph כ ك Κ K К
12 lamd "isprone" /l/ 30 𐎍 lamda 15px|Lamedh lāmedh ל ل Λ L Л
13 mem "abba" /m/ 40 𐎎 mem 15px|Mem mēm מ م Μ M М
14 naḥš "serpente" / nun "pische" /n/ 50 𐎐 nun 15px|Nun nun נ ن Ν N Н
15 samek "supportu" / "pische" ? /s/ 60 𐎒 samka 15px|Samek sāmekh ס - Ξ
16 ʻen "oju" /ʕ/ 70 𐎓 ʻain 15px|Ayin ʻayin ע ع Ο O О
17 pu "'ucca" / piʼt "angolu" /p/ 80 𐎔 pu 15px|Pe פ ف Π P П
18 ṣad "pianta" /sˁ/ 90 𐎕 ṣade 15px|Sade ṣādē צ ص Template:Polytonic
19 qup "corda"? /kˁ/ 100 𐎖 qopa 15px|Qoph qōph ק ق Template:Polytonic Q Ҁ
20 raʼs "conca" /r/ / /ɾ/ 200 𐎗 raša 15px|Res rēš ר ر Ρ R Р
21 šin "dente" / šimš "sole" /ʃ/ 300 𐎌 šin 15px|Sin šin ש س Σ S Ш
22 taw "segnu" /t/ 400 𐎚 to 15px|Taw tāw ת ت Τ T Т

custas 22 consonantes consistint in sa fonologia 'e su semiticu de su nord-ovest. In sas ricostruidas consonantes proto-semiticas, ne mancant sette: sas fricativas interdentales ḏ, ṯ, ṱ, sas fricativas laterales sordas ś, ṣ́, sa fricativa ovolare sonora ġ, et sa distinzione tra fricativas ovolares et faringales sordas ḫ, ḥ, chi in su canaaneu sunt diventadas sa littera ḥet. Sas ses litteras variantes chi ant aggiuntu in s'alfabetu arabu consistint in custas (tranne po sa ś, chi est unu fonema separadu in Ge'ez ): ḏ > ḏāl; ṯ > ṯāʼ; ṱ > ḍād; ġ > ġayn; ṣ́ > ẓāʼ; ḫ > ḫāʼ (ma bisonzat notare chi custa ricostruzione de 29 consonantes proto-semiticas est permeada meda dae s'arabu).

Alfabetos indipendentes dae sa grafica[càmbia | edit source]

S'unicu alfabetu modernu chi paret chi no derivat graficamente dae s'alfabetu cananeu est s'iscrittura maldiviana, chi est unica ca, puru si derivat chiaramente dae s'arabu e forsi dae atteros alfabetos esistentes, derivat sa forma de sas litteras suas dae sos numeros. S'alfabetu osmanya, su somalu in sos annos 'e su 1920 fit ufficiale in Somalia umpare a s'alfabetu latinu finz'a su 1972, e sas formas de sas consonantes paret chi siat una innovazione completa.

De sos alfabetos chi no sunt usados in sas naziones ois, pagos sunt chiaramente indipendentes in sa forma 'e sas litteras issoro. S'alfabetu foneticu zhuyin derivat dae sos carattereres cinesos. S'alfabetu santali de de s'est 'e s'India paret chi derivat dae simbulos tradizionales comente "periculu" e "puntu de incontru", comente sas pittografias inventadas dae su sou inventore. (su nome de sas litteras Santali est relazionada cun su sonu chi rappresentanu attraversu su prinzipiu acrofonicu, comente in s'alfabetu originale, ma est sa consonante finale o vocale de su nome de sa littera chi rappresentat: le "aumentu" rappresentat e, en "trigu friscu" rappresentat n.)

In su mundu anticu, s'Ogham consistiat in segnos de registru, e sas iscriziones monumentales de s'antigo Imperu persianu fint iscrittas in un'iscrittura cuneiforme chi fit sustanzialmente alfabetica, et sa sua forma 'e sas litteras pariat creada po s'occasione.

Alfabetos in atteros media[càmbia | edit source]

Su cambiu in unu nou sistema de iscrittura, zertas voltas, causat un'interruzione in sas formas graficas, e sa relazione diventat diffizile dae agattare. No est subitu ovviu chi su cuneiforme alfabetu ugariticu derivat dae unu abjad semiticu prototipu, po esempiu, puru si paret propriu chi est goi. Et si sos alfabetos manuales sunt una continuazione diretta 'e s'alfabetu iscritto de cussu logu (s'alfabetu britannicu cun duas manos e puru cussu franzesu/inglesu cun una manu mantenent sa forma 'e sas litteras 'e s'alfabetu latinu, comente faghet s'alfabetu manuale indianu po su devanagari e su coreano po su hangul), su braille, su semaforicu, sas bandieras de segnalazione marittima e su codice Morse sunt guasi 'e su tottu formas geometricas chenza derivazione. Sas formas 'e su braille inglesu e de sas litteras semaforicas, po esempiu, sunt derivadas dae s'ordine alfabetico de s'alfabetu latinu, ma no dae sa forma grafica de cuddas letteras. Sa moderna stenografia no est correlada graficamente puru issa. Si derivat dae s'alfabetu latinu, sa connessione est istada perdida in su tempus.

Liberos[càmbia | edit source]