Lagu Balaton

Dae Wikipedia, s'entziclopedia lìbera.
Forografia satellitare
Mapa de su lagu Balaton
Posidura in Ungheria

Su Lagu Balaton (naradu finas Mare Mazaru, s’Ungheria non tenet essidas a su mare) est su prus mannu de s’Europa tzentrale.

Cun sa superfìtzie sua de 596 km2, est prus istèrridu chi su Garda e su Mazore cussiderados paris. Est s’alabatu laghencu prus mannu de totu s’Europa tzentru-otzidentale, superiore petzi de pagu a su Lagu de Zinebra (581 km2) e de Costàntzia (538 m2). Longu 77 km. e ladu dae 3 a 14, sa profundidade sua mèdia est de unos 3 m., sizende su balore màssimu (12 m.) in su gasi naradu Putzu de Tihany, a probe de sa mesìsula numenale. Su Lagu Balaton, paris cun Budapestu e s’ìssia de su Danùbiu, rapresentat s’atrativu turìstigu prus importante de s’Ungheria e, in su matessi tempus, un’elementu determinadore in su paisazu transdanubianu. Est apressiadu pro sas prajas, su crima, sas mitzas termales, sos binos, sos monumentos de arte e, prus chi totu, pro sa bellesa de su paisazu.