Limbas de sa Frantza

Dae Wikipedia, s'entziclopedia lìbera.
Bae a: navigadura, chirca

Nùgoro-Istemma.png
Articulu in nugoresu
Nùgoro-Istemma.png

Sas limbas e sos limbazos de sa Frantza in area europea.

Sas limbas regionales o de minorìa frantzesas sun sas limbas chistionadas in su territoriu de s'istadu frantzesu, in prus de su frantzesu etottu. Sas variedades in intro de su frantzesu non sun limbas de minorìa, ma dialettos de su frantzesu.

Comente in Italia, b'at una traditzione de las mutire "dialettos" o patois imbetzes de limbas, pro assinzare unu ruolu de primu pianu a su frantzesu ebbìa. Eppuru, in limbistica su faveddu "dialettu" no est in cuntrastu chin cussu de "limba", ca no inditat su matessi referente, ma una variedade chi b'est in intro de una determinada limba, tantu chi in medas su nomìnzu de "patois" non lu imprèan in campu ispetzialisticu. Carchi limbista, comente Henriette Walter, fachet imprèu de tottus sos tres faveddos.

Limbas regionales de sa Frantza[acontza | edit source]

Trèichi limbas regionales sun ozettu de impàru prùbicu in Frantza:

  • In intro de su cuadru de sa leze Deixonne (1951): su bascu, su bretone, su cadelanu e s'otzitanu.
  • Dae su 1974: su corsicanu
  • Dae su 1981: su tahitianu
  • Dae su 1992: battor limbas de minorìa melanesianas (s'ajië, su drehu, su nengone e su paicî)
  • Dae su 2006: su gallot, su francu-proventzale e s'alsatzianu.

Est in riferimentu a custas limbas chi si chistionat de "limbas de minorìa".