Limbazu de sos SMS

Articulu in nugoresu

Cando si chistionat de su limbàzu de sos SMS si fachet riferimentu a unu idiolettu, chi tenet tzertas carateristicas brachilogicas e tachigraficas a manera de negossiare chin prus lestrésa possibile, pro non b'andare in foras de s'ispatziu a su solitu cuntzèdiu. Custu si ottenet fintzas pro mediu de medas incurtziaduras, formas simprificadas, sincopadas e apocopadas, o ateras trassas comente a cussa de che bocàre carchi sinnu graficu o, a s'imbèsse, de che lu pònner cando ateramènte non si dìat pòdere ind una limba normalitzada, s'impreu de colorìos slang, paritzos elementos extra-verbales (es. s'emoticon) e gai sichinde.

S'importantzia chi tenet oje in die su fenomenu at ispronau a nde tenner contu a limbistas, istudiosos de sa comunicassione, sotziologos, psicologos e ateros espertos.