Louis-Ferdinand Céline

Dae Wikipedia, s'entziclopedia lìbera.
Bae a: navigadura, chirca

Flag of the Italian region Sardinia.svg
Articulu in LSC
Flag of the Italian region Sardinia.svg

Louis-Ferdinand Céline, naschidu Louis Ferdinand Auguste Destouches (Courbevoie,27 maju 1894 - Meudon, 1 triulas 1961), fiat unu medicu e iscritore frantzesu. Céline, chi est su nomingiu chi usaiat pro firmare is operas suas, fiat su nomene de s'ajaja. Est su prus traduidu e legidu iscritore frantzesu de su seculu XX a pustis de Marcel Proust.

Sa pensada sua est pessimista e tipicamente nichilista. Est cunsideradu comente unu de sos prus mannos annovadores de sa literadura frantzesa intra sos contemporaneos, ca pro ite intraiat unu istile personale chi chircaiat de mentennere sa fortza emotiva de sa limba chistionada.

Comente persona abarrat però pagu istimadu de medas criticos pro sas positziones politicas. Difatis Céline forsis collaboraiat cun is nazistas e b'at fintzas carchi pamphlet chi lassat creere chi esseret antisemita.

Vida[acontza | edit source]

Naschidu in Courbeville, Louis Ferdinand Auguste Destouches est figiu solu de Fernand Destouches (Le Havre 1865 - Parigi 1932) et de Marguerite Guillou (Parigi 1868 - Parigi 1945). Su babbu est impreadu assigurativu e a narrer de s'iscritore de origines nobiles, sa mamma mercadera de rendas.

In gioventude non tenet fortuna comente butegheri de oru, duncas benet mandadu de su babbu a s'esteru pro imparare is limbas. Bivet carchi mese in Inghilterra e Germània. In su 1912, a degheoto annos intrat in s'esercitu frantzesu.

In su 1914 pigat parte comente voluntariu a sos primos cumbatimentos de sa I Gherra Mundiale in Bèlgiu, in ue abarrat ingotu a unu bratzu, cun una balla infertzida in conca. Arretzit pro custu una medallia de prata.

Benet mandadu a triballare in uffitzios de su cunsoladu frantzesu a Londra, in ue abbitat logu de bagassimini e connoschet sa prima mugere, Suzanne Nebout, ma ant a abarrare impari isceti pagus meses. Sa gherra ddi lassat rastos siat depidos a sas feridas, siat de mente: tenet difficultade a si dormire e intendet fruschios a is origas. Incomintzat como a intendere su sentidu de affannu e dibilesa pro sa vida, chi at pois a caraterizare sa pensada sua.

In su 1916 partit in Cameroun cun sa Compagnie Francaise Shanga Oubangui, pro abbaidare a unu prantementu de cacao. Noe meses a pustis torrat in Frantzia maladiadu de malaghera.

Agabada sa gherra andat a bivere a Rennes e cogiat Édith Follet, figia de unu diretore de iscola de meighina, e si laureat in meighina in su 1924.