Marianu IV

Marianu IV est istadu giuighe de su Giuigadu de Arborea de su 1347 fentzas a su 1375. Benet consideradu su soberanu prus ispertu e sabiu de s'istoria de sos giuigados. A issu si depet sa prima ragolta iscrita de sas leges chi diant dare corpus a sa Carta de Logu

Sa vida

Naschiada in su 1317 in Aristanis, segundu figiu de su giuighe Ugone II Bas-Serra e de Beneita. Teniat a frades in ordine de edade Predu, Giuanne, Nicola e Maria. Su babu educaiat sos figios, e duncas Marianu, segundu sa manera cadelana e dis faghiat abbìtare sa corte de Barcellona, chi a cussos tempos fiat acapiada in manera istrinta cun su giuigadu, siat ca pro ite de unu cantone sos aragonesos ndi cheriant faghere unu feudu de su rennu issoro a sighidu de sa licentia invadendi permitida de su paba Bonifatziu VIII, siat pro ite sos Arboreas si serbiant de sos aragonesos comente alleados pro nchi bogare sos pisanos de sos territorios de sos giuigados de Calaris e de Gallura. In su 1331 si trasferiat a bivere in Catalunia in ue cogiaiat sa nobile Timbora de Roccabertì chi diat aere dadu tres figios, Ugone, Lionora e Beatrice, prus unu bator mortu pagu a pustis de sa naschida. Sos aragonesos du nominaiant Conte de Goceanu e Sennore de Marmidda. In su 1342 torraiat in Sardigna pro andare a bivere impare a sa familia in su casteddu de su Goceanu. A sa morte de su frade, su giuighe Predu II, chi no teniat figios, sutzediat issu, in su 1347. Moriat in su 1376 de pesta.