Mudìmine de imprenta

Dae Wikipedia, s'entziclopedia lìbera.

Su mudìmine de imprenta est s'issèberu de no fagher pubrigare noas subra de un'episòdiu determinadu de interessu de sos mèdios massivos.

Motivaduras[modìfica | modìfica su còdighe de orìgine]

Sa cunduta narada podet derivare dae una dimanda ispressa de sos suzetos chi sunt realizende un'imbestigadura zudissiària, cun sa finalidade de impeìre cumprigaduras eventuales in tempus de s'isvilupu suo.

Alternativamente, su mudìmine de imprenta podet esser impostu in manera autònoma pro issèberu lìberu de su mèdiu de informadura, chi siat chistione de unu ziornale o de una partzidura de relassiones pùbrigas de un'impresa.

In Itàlia, su tèrmine “mudìmine de imprenta” at cumintzadu a esser impreadu in sos annos setanta de su sègulu coladu cun referèntzia a sos sechestros de pessone, su mudìmine fiat pratigadu cun s'intentu de amparare sos sechestrados e sas famìlias issoro.

Moende cun sos annos otanta, s'ispressura at printzipiadu a s'utilizare finas in cuntestos isportivos, in contu de atretas o echipas chi si negant a responder a sas pregontas de ziornalistas o a lis dispensare informaduras. Custu impreu “lizeri” est zuigadu de sabore dudosu dae una parte cussideràbile de s'opinione pùbriga, dada sa diferèntzia evidente cun su cuntestu sèriu e deligadu de sos sechestros de pessone.

Mudìmine de imprenta in Wikipedia[modìfica | modìfica su còdighe de orìgine]

In su casu de su recatamentu de David Rodhe su reporteri de su New York Times dae bandas de sas milìtzias talebanas in Pachistanu, su diàriu aiat detzìdidu de no ponner in evidèntzia sa noa, pro no trubare chighillu e cumprigare sas assiones realizadas cun a finalidade de nche cromper a s'alliberamentu de su cullaboradore suo pròpiu. Pro nche sizire s'intentu naradu, su ziornale de Noa Iorcu aiat pèdidu sa cullaboradura de Wikipedia, chi aiat atzetadu. Difatis, pro diferentes meses Jimmy Wales e unos cantos amministradores aiant brocadu sa pàzina chi pertocaiat su cronista. Custa assione aiat iscadenadu sa rebellia de medas utilizadores, chi obiamente fiant a sas iscuras de sas motivaduras chi nch'ant zutu a custu. Cun s'alliberamentu de su cronista, acontèssidu su 20 de làmpadas de 2009, Wikipedia at craridu sas motivaduras de su zestu suo.