Partidu Comunista de Sardigna

Dae Wikipedia, s'entziclopedia lìbera.

Nùgoro-Istemma.png
Articulu in nugoresu
Nùgoro-Istemma.png

Su Partidu Comunista de Sardigna (Italianu: Partito Comunista di Sardegna) est istau unu partidu politicu comunista.

Istòria[càmbia | edit source]

Su PCS at tentu radìchina in Sardinna a sos primos meses de su 1944, sicomente lu aìan fundau Giovanni Antioco Mura[1], unu militante sotzialista connottu peri sa zente locale pro s'attivismu tzivile suo (aìat finas fundau carchi cooperativa de massajos e pastores), e Antioco Cassitta, unu ex-militante de su Partidu Comunista Italianu chi fit a curtzu a sas bideas de Amedeo Bordiga. Su PCS est istau unu progettu politicu attivu mascamente in sa provintzia de Tàtari, ma sa presentzia sua si annotabat puru in sos atteros trettos de s'isula.

Custu partidu minore teniat unu programma originale: nande chi fit fidele a sos printzipios de su Marxismu-Leninismu e a cussos de sa Costitutzione Sovietica (iscritta puru in su manifestu politicu issoro), su PCS pùnnabat a una indipendente Repubrica Sotzialista de Sardigna, cumpresa ind una prus manna Repubrica Federale Sovietica. Custa posissiòne politica fit in accordu chin sa lìnia de sa Tertza Internatzionale e finas chin su programma de su cungressu de Lione, chi su Partidu Politicu Comunista Italianu aìat tentu in su 1926. Custa federassione sovietica no aìat cumpresu petzi territorios chi pertoccaban a s'istadu italianu ebbìa, ca a s'Italia nemmancu bi fachìan tzìnnu sos de su PCS. Nemmancu b'at de lu nàrrer, sos de su PCI male bidìan custu progettu politicu, ca tando nemmancu nde cherìat s'intesa de dare s'autonomia a sa Sardigna. Bi aìat àppiu tempos de tensione, comente a cando carchi attivista de su PCI aìat occupau sa sèa tataresa de su PCS (chi, prus a tardu, dìat esser divènnia cussa de sa FGCI, su corpus zovanu de su PCI).

Su PCS at tentu relatziones politicas chin militantes sardistas, peri sas biddas de su Logudoro. Custu partidu at tentu bida goi pacu longa, chi ja a s'accabbu de su 1944 su Partidu Comunista Italianu si lu aìat mandicàu e belle tottu assorbìu, mancari chi Giovanni Antioco Mura, faddìu s'esperimentu, si che aìat abbarrau a fora. Su PCS non bi l'aìat fatta mai a andare a peruna eletzione.

Libros[càmbia | edit source]

  1. Bonoversi illustri - Giovanni Antioco Mura
  • Gianfranco Contu - Francesco Casula, Storia dell'Autonomia in Sardegna. Dall'800 allo Statuto, Stampa Grafica del Parteolla, 2008, pag.24.
  • Paolo Pisu - Partito Comunista di Sardegna. Storia di un sogno interrotto - Nùoro, Insula, 1996.
  • Per una biografia politica di Giovanni Antioco Mura, in «Archivio sardo del movimento operaio contadino e autonomistico», n°3, dicembre 1974, pp. 177-199.