Rebolussione rumena

Dae Wikipedia, s'entziclopedia lìbera.


Articulu in logudoresu

Banderas de Romania chentza de istema de su regìmene

Sa rebolussione rumena de 1989 fiat istada custituìda dae una filera de abolotos e de protestos isvilupados in su paìsu intreu in su nadale de 1989 e chi nch'aiant zutu a su bortulamentu de su rezìmene comunista, tando ghiadu dae Nicolae Ceausescu, e a s'isecutadura de su ditadore e de muzere sua.

Che in sos àteros paìsos de s'Europa levantesa, sa majoria ischerfadora de sa pobuladura fiat insatisfata cun sa situassione. S'ausèntzia de onzi liberdade tzivile e sa polìtiga econòmiga de Ceausescu (rembussu de su dèbidu furasteri peri s'isportadura de sa produidura agrìcula cumbinadu cun prozetos de fraigos subradimensionados) aiant zutu a su sufogamentu de onzi bida sotziale e a s'impoberamentu zenerale de sa pobulassione. Su merchinzu alimentàriu e s'atmosfera de suspetu e terrore intratenta dae sa polima segreda (Securitate) fiant sas mitzas printzipales de malispètzia.

De totu sos paìsos de s'estu chi aiant revessadu sos rezìmenes in su podere a pustis de sa ruta de su muru de Berilinu in su barigare de s'atonzu e de s'ierru de 1989-1990, sa Rumania fiat istada s'ùnigu in ue custu mudamentu fiant acontèssidu in su sàmbene, cun unas 60.000 bìtimas mortales de su rezìmene abaliadas.