S'hymnu sardu nationale

Dae Wikipedia, s'entziclopedia lìbera.


Articulu in nugoresu

S'Hymnu Sardu Nationale fit s'innu de su Regnu de Sardigna piemontesu.

Est de sos annos trinta de su seculu de XIX, iscrittu (ind unu sardu logudoresu ma literàriu meda, chi in sa forma si assimizat a cussu de Giovanni Spano) dae su prèide Vittorio Angius, liberale e deputau a su Parlamentu Subalpinu. Sa musica l'aìat imbetzes cumposta su maistru tattaresu Giovanni Gonella (1804-1854).

Sa prima esecutzione at tentu locu in su teatru Tzivicu de Casteddu in su 20 de febràrju de su 1844.

S'ispartitu lu at iscopertu in s'archiviu de s'auditorium de Casteddu su prof. Francesco Cesare Casula, direttore de s'Istitutu de Istoria de s'Europa de su Mediterraneu in su CNR.

Sicund'a Casula, s'innu lu tenìan in cussìderu meda sos res. S'urtima esecutzione uffitziale fit in su 1937 cando su papa Pio XI aìat dau sa Rosa d'Oro a sa regina Elena.

S'innu fit tando postu a costàzu chin sa Marcia Reale e poi bocau de su tottu in su 1947, ponèndeche comente innu italianu cussu de Mameli (Il Canto degli Italiani).

In su 1991 s'innu fit postu in esecutzione dae sa banda de sos Carabineris in su Cuirinale in su 29 de maju; lu intendìan che omaju a s'orizine tataresa de su Presidente de sa Repubrica Francesco Cossiga. Fit torrau a sonare a sas dimissiones de su Capu de Istadu, in su 28 de aprile de su 1992.

In su 2001 fit torrau a ch'esser postu in esecutzione a s'intèrru, pro disìzu suo, de Maria José de Savoia, s'urtima regina de s'Italia.

Su testu[modìfica | modìfica su còdighe de orìgine]

Cunservet Deus su Re

Salvet su Regnu Sardu
Et gloria a s'istendardu
Cuncedat de su Re!

chi manchet in nois s'animu
chi languat su valore
Pro fortza o pro terrore
Non apas suspetu, o Re.

Cunservet Deus su Re...

Unu o omni chentu intrepidos
A ferru et a mitralia
In vallu e in muralia
amus andare o Re.

Cunservet Deus su Re...

Solu in sa morte cedere
Soliat su Sardo antigu
Né vivu a' s'inimigu
deo m'apa a dare, o Re.

Cunservet Deus su Re...

De fidos et fort'omines
Si fizos nos bantamus
Bene nos provaramus
Fizos issoro, o Re.

Cunservet Deus su Re...

De ti mostrare cupidu
Sa fide sua, s'amore
Sas venas in ardore
Sentit su Sardu, o Re.

Cunservet Deus su Re...

Indica un adversariu
E horrenda da su coro
Scoppiat s'ira insoro
A unu tou cinnu, o Re.

Cunservet Deus su Re...

Cumanda su chi piagati
Si bene troppu duru,
E nde sias tue seguru
chi at a esser fatu, o Re.

Cunservet Deus su Re...

Sa forza qui mirabile
Là fuit a' su Romanu
E innanti a s'Africanu
Tue bideras, o Re.

Conservet Deus su Re...

Sa forza qui tant'atteros
Podesit superare
Facherat operare
Uno tuo cinnu, o Re.

Cunservet Deus su Re...

Sos fidos fortes homines
Abbaida tue contentu
chi an a esse in onzi eventu
cales jà fuint, o Re.

Conservet Deus su Re
Salvet su Regnu Sardu
Et gloria a s'istendardu
Concedat de su Re!