Sakuma drops

Articulu in nugoresu

Caramellas Sakuma Drops.

Sakuma Drops (サクマ式ドロップス Sakuma-shiki Doroppusu) sun una tipica caramella giapponesa, chi tenet sapore de frutu e la fachet Sakuma Candy Co. in Ikebukuro (Tokyo). Sas caramellas non si benden prus a muntones comente a primu sutzedìat, peròe custu non che bocat su fattu chi sìan galu unu simbulu caratteristicu meda de su Giappone, bìdu chi si nde fachìat dae s'epoca Meiji. Sas caramellas si bènden in botteddos de unos 9/10 chentìmetros chind unu tappu de tràer. Sos botteddos si poden mantènner pro los regòller ind una colletzione, ca cambian meda a s'ispissu.

Sos Sakuma Drops si connoschen in Otzidente gràssias a s'anime de su 1988 Hotaru no Haka (火垂るの墓 "sa tumba de sos luche-luches"), ca tenen rolu de importu in su film. Botteddos pro ammentare su film chind un'immazine de Setsuko nde an bèndiu prus bortas peri sos annos.