Sardu campidanesu

Dae Wikipedia, s'entziclopedia lìbera.

Provintzia de Casteddu-Istemma.png
Articulu in campidanesu
Provintzia de Casteddu-Istemma.png

Linguas e dialetus de Sardìnnia

Su Campidanesu est sa bariedadi de sa lingua Sarda fueddada in su "Cabu de Giossu" de sa Sardìnnia; si liaus sa Gallura e is logus acanta de Tàtari, totu is àterus sardus chistiònant su Cabesusesu, sa "limba de Cabu de susu". Podeus pentzai ca totu is chi bivint prus a basciu de Aristanis fueddint a sa manera campidanesa. Tòcat a narai ca, in beridadi, no est aici sentzillu a pratziri is biddas in Cabesusesas e Campidanesas, poita ca, biddas a tipu Gadoni, Meana, Seulu, mancai siant giai giai prus a basciu de Aristanis, fueddant dialetus ammesturaus cun su Cabesusesu. Si scit poi ca dui at logus medas innui is fueddus, e sa pronùntzia de-i cussus, est una ispeci de amesturu de is duas bariedadis chi eus nau, cumenti sutzedit in calincuna bidda de s'Ollasta, a tipu Jersu e Lanusè, o in biddas a tipu Làconi, innui nant "ogiu" po "ollu", ca assimbillat a su Cabesusesu "ozzu", "abba" po su Campidanesu "akua" ma no nant "chibudda", ma "cibudda". A inturu de su Campidanesu e totu, ddu-i at calincuna diferèntzia pitichedda dai bidda ai bidda, ma custas funt seguramenti prus pagus de is chi dui at dai Campidanesu ai Cabesusesu. Ndi podeus arremonai medas: me in logus acanta de Casteddu, ai sa -d- ki tenit innantis e a palas una boxali, ddi nant -r- ("meda" ddu nant "mera"); in sa Marmilla ai una -l- chi puru tengiat innantis e a palas una boxali ddi nant -b- ("soli" ddu nant "sobi"); sempri inni', ai sa primu personi a su tempus passau de su verbu dda faint bessiri cun -ìa o cun -à (deu "tenìa", "andà", "bufà", "scidìa"), candu me in atrus logus bessit cun -emu (deu "tenemu", "andamu", "bufamu", "scidemu"). Ndi at atras medas, ma seguramenti duus Campidanesus, de cali si bollat chi siant biddas, si iant a cumprendi chentza problema perunu. Po biri unu esèmpiu de Sardu Campidanesu, bai a su Mogoresu.

Boxis curreladas[càmbia | edit source]

Acapius[càmbia | edit source]