Tharros

Dae Wikipedia, s'entziclopedia lìbera.
Bae a: navigadura, chirca

Coordinatas: 39°52′26.4″N 8°26′27.6″E / 39.874°N 8.441°E39.874; 8.441

Ozieri-Stemma.png
Articulu in logudoresu
Ozieri-Stemma.png

Sas duas colonnas simbolu de Tharros

Tharros est unu situ archeologicu de sa Sardigna chi s'agatat in sa Provìntzia de Aristanis a intru de su territoriu de su comune de Crabas. Est situadu in su sud de sa penisula de su Sinnis, prus de pretzisu a curtzu de su Capu Santu Marcu.

In antighidade Tharros fiat una importante tzitade de sa Sardigna e in s'Edade de Mesu est istada sa capitale de su Giuigadu de Arborea fentzas a cara de s'annu 1070, candu beniat abandonada.

Istoria[acontza | edit source]

Uffitzialmente s'origine de Tharros est depida a sos Fenitzios chi dda diant aere fundada in s'VIII seculu i.C., ma isgavos prus retzentes ant dadu a lughe repertos pretzedentes a s'arribu de custu populu, si faghet tretu sa probabilidade ca sos primos abitantes suos esserent prus antigos. A giru de Tharros s'agataiant fintzas fabricos nuragicos.

In su VI seculu i.C. Tharros diventaiat cartaginesa. A su periodu punicu si depet s'aerzu urbanisticu: sos Cartaginesos afortigaiant sos muros setentrionales e aberiant duas necropolis, una a su norti e s'atera a su sud de sa bidda, d'arrichiant fintzas de monumentos comente sos artares de su Tofet e su templu.

Sa necropoli sud

S'arribu de sos Romanos in su 238 i.C., sighit a sa Prima Gherra Punica. Issos lassaiant intregu s'assetiu urbanu cartaginesu atzunghende edifitzios issoro. Cun de sos Romanos sa tzitade s'ammanniaiat siat in richesa siat in importantzia economica e imbatiat in su III seculu p.C. a su lughidore massimu, de fatu in edade imperiale Tharros fiat una colonia e biviat de cummertzios cun totu su mediterraneu; a sighidu, in tempos de sos bizantinos perdiat importantzia, pro ite a causa de sas lompidas barbaricas sas costas fiant pagu seguras. Sos abitantes si retiraiant a giru de sa cresia de Sant'Uanni de Sinnis. In s'Edade de Mesu, Tharros fiat sa capitale de su Giuigadu de Arborea fintzas a s'abandonu a cara de su 1070. In sos tempos a pustis sas perdas beniant usadas pro sos uffitzios de Aristanis e de sas biddas lacanantes. In epocas prus retzentes medas tumbas de sas necropolis sunt istadas distruidas de sos sacchizos pro ndi furare sas prendas.

Assetiu Urbanu[acontza | edit source]

Tharros teniat carateristicas tipicas de sas tzitades cartaginesas, tenende una strada manna chi da pretziat in unu apenditziu abitativu e in unu apenditziu de uffitzios, teniat ancora su tofet a curtzu de sos afortzos.

Monumentos[acontza | edit source]

Ruinas de sa tzitade

Tharros fiat rica de monumentos comente steles e artares, custos urtimos tipicamente a gradas.

Su tofet tenet medas simbillantza cun su de Cartagine. Fiat usadu intra de su VII e II seculu i.C. Si podent agatare duas termas, sas primas trasformadas in s'Edade de Mesu in cresia, sas segundas, prus mannas usadas a campu santu. Duas colonnas istentargias sunt oe su simbulu de Tharros, custas sunt isatadas postas a acontzu modernu de unu templu de su 50 i.C.. De issas isceti su capitellu est originale, a su contràriu sas colunnas sun de carchìna.

Sa prus parte de sos repertos agatados in sos isgavos archeologicos in Tharros istant ammostados in custos museos: