The American Spectator

The American Spectator est una rebista mesile cunservadora istadunidesa chi s'òcupat de atualidade e polìtiga, aderetada dae R. Emmett Tyrrell Jr. e pubrigada dae sa fundadura “American Spectator”, un'entidade sena finalidade de balanzu.

Dae s'inaguradura sua in su 1967 a s'agabu de sos annos otanta de su sègulu coladu, fiat una rebista cun tirada limitada chi pubrigaiat artìgulos de cumentadores che Thomas Sowell, Tom Wolfe, P.J. O'Rourke, George F. Will, Malcolm Gladwell, Patrick J. Buchanan e Malcolm Muggeridge, e a su cumintzu de sos annos noranta fiat cunnota pro sas relatas contra a su presidente de tando Bill Clinton. A dies de oe, su mesile nch'essit cun tirada prus manna e abarrat una de sas referèntzias printzipales de sa leghidoria de orientamentu cunservadore.