Olleras

Dae Wikipedia, s'entziclopedia lìbera.
Custu artìculu est iscritu in sa grafia campidanesa. Abbàida sas àteras bariedades gràficas:

logudoresu · LSC · nugoresu

Olleras a dì de oi

Is olleras, peri ullieras, ispichitos, occhiales o occhialis, funt unu tipu de protesi comunas meda cumpostas de una montadura e de duas lentis adattas a currexiri imperfessionis a sa bista po mori de fìssius de desviadura (est a nai bistacurtza e astigmatismu) o a insufficenzias in sa funzionalidadi de s'ogru.

Caratteristicas tecnicas[modìfica | modìfica su còdighe de orìgine]

Imàgini de sa citadi de Seattle bitta trevessu lentis de desviadura

Is olleras chi tenint sa lenti impobonada (connotta comenti "filtru"), ddi nanta "olleras po su soli". Is chi bendint in s'Italia, e tandu in Sardigna, depint tènniri a mariolla su marchiu CE in fattu nci depit èssiri s'indittadura de sa categoria de amaparu (chi andat de zeru a cuattru, mancai podit èssiri indittada cun stellixeddas) ca indittat su livellu de redusimentu de sa luxi indusiu de su filtru in su campu de su visìbili. Is filtrus de categoria 4 no andànt beni po guidai. Sa naradura "UV 400" bolit nai ca sa trasmittanza de is arrajus UVA e UVB respettant sa normativa in vigori.

Esistint in cummérciu pariccius casus de strocidura de is marchius de garanzia, e iat a cumbènniri a si subènniri ca olleras po su soli de calidadi bascia, specia chi impreaus in cundissionis estremas (pon'esempiu ghiacciajus o in cuota arta), podint generai scalabrus mannus a sa rétina o acàbai a su surpìmini po unu pagu de ora.

Calincuna ollera portat lentis specialis (coloradas in manera diversa o polarizadas, o puru a "LCD shutter") ca permitint una bisura tridimensionali de imàginis bidimensionalis (stereoscopia).

Importanzia de s'igieni[modìfica | modìfica su còdighe de orìgine]

Chi is olleras no funt lìmpias comenti si spèttat, si podint formai a pagu a pagu depositus ca faint de logu de manixu ideali, po sa crèscia de colonias de microrganismus patogenus, comenti cardulinus e batterus, ca si multiplicant a lestru e tandu podint sissiligai infettamentus a is ogrus.

Esistit una flora batterica de cardulinus e batterius ca normalmenti bivint in s'ogru sanu. Is microrganismus patogenus, ca crescint in s'ollera o in sa lenti a contattu brutta, si spainant grassias a s'aria e podint lòmpiri a toccai su biancu de s'ogru, e podint peri sissiligai una cheratiti.

Bibliografia[modìfica | modìfica su còdighe de orìgine]