Arfabetu telefònigu sardu

Dae Wikipedia, s'entziclopedia lìbera.
Jump to navigation Jump to search

Su gasi naradu arfabetu telefònigu o arfabetu fonètigu sardu est unu mètodu de narrer sas lìteras de s'arfabetu latinu. S'impreat pro inditare s'ortografia de una paraula realizende sa cofuzidura sua. S'impreu suo est limitadu iscrusivamente a s'àmbitu tzivile, sende ch'in sas comunicaduras militares s'impreat s'arfabetu OTAN.

S'arfabetu telefònigu naschet dae su bisonzu de parare fronte a una calidade iscassa de sa boghe, tìpiga de sas comunicaduras peri telèfonu. Est tipigamente impreadu pro ispetzifigare s'iscritura curreta de sos nùmenes pessonales a sa grafia cumprigada e/o ambiga.

In sa limba sarda no esistit galu un'arfabetu telefònigu ufissiale. Sende gasi, b'at una proposta de arfabetu telefònigu logudoresu elaborada dae s'Assòtziu de Boluntàrios pro sa Limba Sarda (ABLS), chi est sa sighidora:

A (a) de/comente Aristanis B (be) de/comente Bosa C (che) de/comente Casteddu D (de) de/comente Domusnoas E (e) de/comente Elini F (efe) de/comente Foghesu G (ghe) de/comente Garteddi H (aca) de/comente Hobby I (i) de/comente Iscrèsias J (jota) de/comente Jertzu L (elle) de/comente Lanusè M (emme) de/comente Mamujada N (enne) de/comente Nùgoro O (o) de/comente Orgòsolo P (pe) de/comente Patada Q (qu) de/comente Queen R (erre) de/comente Rumana S (esse) de/comente Seddori T (te) de/comente Tàtari U (u) de/comente Uda V (ve) de/comente Vicky Z (zeta) de/comente Zeddiani TZ (tze) de/comente Tzerfaliu Àteras lìteras, chi non formant parte de s'arfabetu logudoresu, sunt: K – (kappa) de/comente Kilimangiaro W – (ve dupra) de/comente Wilson X – (scèscia) Y – (i grega) de/comente Yanez

Un'isempru cun su nùmene Efis: Elini-Foghesu-Iscresias-Seddori.

S'ABLS at isseberadu de impreare, in sa medida de su possìbile, nùmenes de biddas sardas. S'italianu puru, comente est cunnotu, tirat profetu su prus dae nùmenes de tzitades e biddas, comente acontessit finas cun s'ispannolu, cando chi limbas che s'ingresu, su frantzesu e s'alemannu impreant mescamente nùmenes de pessones.