Artìculu 155 de sa costitutzione de s'Istadu ispagnolu de su 1978

Dae Wikipedia, s'entziclopedia lìbera.
Jump to navigation Jump to search

S'artìculu 155 de sa costitutzione de s'Istadu ispagnolu est unu disponimentu de leghe chi permitet a su guvernu de s'Istadu de obligare una Comunidade autònoma[1] a respetare disponimentos costitutzionales o de leghe ispetzìficos, e de nde controllare sas autoridades si issa refudat de los respetare.

Su pretzetu est ispiradu a sa figura de sa coertzitzione federale (Bundeszwang), istabilida in s'artìculu 37 de sa Leghe fundamentale pro sa Repùblica Federale de Germània, connòschida comente a Leghe Fundamentale de Bonn (Costitutzione tedesca). Custa ispiratzione est evidente in sa redatzione de s'artìculu 155, chi cointzidet in s'essentziale cun su pretzetu costitutzionale tedescu. Comente nota su politòlogu Ramon Cotarelo,[2] s'artìculu 37 de sa Costitutzione tedesca est ispiradu in s'artìculu 48 de sa Costitutzione de sa Repùblica de Weimar, chi at permìtidu a Adolf Hitler de instaurare su Tertzu Reich.

S'aplicatzione no est automàtica: Su presidente depet in antis pedire acrarimentos a su Presidente de sa Comunidade e solu si non rispondet o non rispondet in sa manera chi su guvernu cunsìderat at a èssere possìbile pedire a su Senadu de intervènnere, pedende medidas ispetzìficas chi depent èssere aprovadas dae su Senadu in sessione plenària, cun s'òbligu de iscurtare su Presidente de sa Comunidade.

Fintzas a su 2017 s'artìculu no est mai istadu aplicadu, a causa de s'etzetzionalidade sua, ma bi sunt istadas duas rechertas: sa prima relativa a sas Canarias in su 1989 chi, nointames s'intrada in s'Unione Europea no aiat abolidu sos dàtzios, e una relativa a sa Catalogna, pro su referendum indipendentista.[3][4]

Notas[modìfica | modìfica su còdighe de orìgine]

  1. ¿Qué dice exactamente el artículo 155 de la Constitución?
  2. http://www.ccma.cat/tv3/alacarta/mes-324/entrevista-a-ramon-cotarelo-catedratic-de-ciencia-politica-i-de-ladministracio-de-la-uned/video/5698048/#
  3. El Gobierno canario retrasa la aplicación del desarme arancelario para la CE
  4. Rajoy pide a Puigdemont que confirme la declaración de independencia para aplicar el artículo 155