Arzola de servìtziu

Dae Wikipedia, s'entziclopedia lìbera.
Jump to navigation Jump to search
Arzola de servìtziu

Un’arzola de servìtziu est un’arzola in ue sos biazadores si podent arressare pro s’aprovisionamentu de carburante, si discansare e tirare profetu dae servìtzios issentziales che servìtzios sanidàrios, supermercadu, tzilleri e, raras bias, motel.

Sas arzolas de servìtziu pertenent a sas categorias de sas gasi naradas òperas cumprementales de un’autocaminu (su Còdighe de sos caminos las definit “pertenèntzias autocaminales”), sende installaduras chi permitent s’istassioamentu de sos beìculos motorizados, cumbidende assistèntzia a sos utilizadores e sos beìculos issoro. Sa casta prus sitzillas est custituìda dae un’istassione de aprovisionamentu de carburante, aparcadorzos e zona de recreu.

Sas arzolas de servìtziu sunt realizadas a una distàntzia de 30-40 km. intre issas a longu de s’autocaminu e zenerarmente servent unu ùnigu sentidu de martza. Pro custa resone, a s’avesu sunt cullocadas a crobas, s’una in cara de s’àtera, in manera a fazilitare finas sas cunessuras elètrigas, ìdrigas e telefònigas. A bias, su fraigu destinadu a sos servìtzios, incruende unu tzilleri e unu restorante, podet esser realizadu cun istrutura a ponte colende in subra de su biazadorzu. In su matessi tempus, in unos cantos autocaminos ameriganos sas arzolas de servìtziu sunt unifigadas e realizadas in sa mesania intre ambas carreradas, a mèdiu de un’inladamentu adeguadu de su partzidore de tràfigu. Podent finas incruder moteles, in ue automòbiles e bagazos nche podent cromper deretamente a dae in antis de s’aposentu.

Sas arzolas de aparcamentu, in manera zenerale, sunt netas de recreu, e sunt probidas raras bias de servìtzios.