Barbàgia Arrúbia
campidanesa. Abbàida sas àteras bariedades gràficas:
logudoresu · LSC · nugoresu
| Barbàgia Arrúbia | |
|---|---|
| Annus de atividadi | 1978 - 1982 |
| Natzioni | Sardigna |
| Contéstu | Indipendentismu sardu Annus de prumu |
| Ideologias | Comunismu Marxismu-leninismu Indipendentismu sardu |
| Alleàntzias | Brigadas Arrubias italianas Abbolottu politicu sardu |
| Personas de importu | |
| Fundadòris | Pedru Coccone Antoni Contena Caterina Spano Davide Fadda |
Barbàgia Arrúbia o Barbàgia Ruja, connota in italianu cumenti Barbagia Rossa, est istada una banda armada marxista leninista indipendentista sarda chi at operadu intra is annus 1978 e su 1982 in Sardigna.
Istòria
[modìfica | modìfica su còdighe de orìgine]Fundatzioni e atentaus terrorìsticus (1978 - 1981)
[modìfica | modìfica su còdighe de orìgine]Nàscia acapiendi-si a is Brigadas Arrubias italianas, fiat cumposta de massaius, pastoris, operaius e studentis; su progetu fiat su de uniri is disìgius rivolutzionàrius sardus in d’un’organizatzioni chi si poniat s’obietivu de su cumbatu armau po su comunismu. Is primus atòbius fiant stètius cuncordaus de is brigadistas Emilia Libera, Antonio Savasta e Natalia Ligas. Is dirigentis fiant Pedru Coccone, Antoni Contena, Caterina Spano e Davide Fadda.
Su grupu at fatu un’acòrdiu cun is Brigadas Arrubias, de is calis est divènnidu unu ramu po is fainas in s’ìsula, mescamenti po su chi pertocat is fuidas de sa presoni de màssima seguresa de s'Asinara.
Barbagia Arrubia s'est posta contra a sa militarizatzioni crescenti de sa Sardigna, chi in cussus annus aiat biu crescendi su nùmeru de basis in su territòriu suu, cumprendi medas atentaus contra a is casermas de is carabineris e de s’esèrtzitu.
At cumpriu duus atentaus mortalis chi ant mortu Nicolino Zidda e Santo Lanzafame. Su primu fiat un'operadori de sa colònia penali agrìcula de Onanì, acanta de Nùgoro, mortu po faddina poita ca su beru obietivu de s’atentau fiat unu carabineri chi ddi stàiat acanta; su segundu fiat invecis un'apuntau de is carabineris, mortu in s'arruga Nùgoro-Ortobene su 31 de argiolas de su 1981.
Cara a su 1979 is Brigadas Arrubias aiant strintu liaminis cun s’organizatzioni po aprontai sa fuida de calincunu presoneri de sa presoni spetziali de s’Asinara. Is brigadistas Antonio Savasta e Emilia Libera funt andaus a Casteddu po creai sa colunna sarda de is Brigadas Arrubias e po allogai s’arsenali de is BR in Sardigna. Su 15 de freargiu de su 1980 in Casteddu una patùllia de sa polima ddus at connotus, ma is duus brigadistas funt arrennescius a si fuiri.
Sciuviamentu (1982)
[modìfica | modìfica su còdighe de orìgine]Su 23 de freargiu de su 1982, in is sartus de Nùgoro, gràtzias a s'indicatzioni de su pentiu Antonio Savasta, sa polima agatat unu depòsitu mannu de armas de is Brigadas Arrubias, chi fiant stètias intregadas a sa Barbagia Arrubia.
In is primus mesis de su 1982 sa polima bocit duus brigadistas e ponit fini a su grupu. Barbagia Arrubia at operau sceti in Sardigna e po is fainas suas funt stètias indagadas 28 personas.