Barbara Schiavulli

Custu artìculu est iscritu in sa grafia

logudoresa

. Abbàida sas àteras bariedades gràficas:

Barbara Schiavulli (Monza, 1972) est una zornalista italiana de gherra. In sos ùrtimos binti annos, at traballadu de imbiada a contu suo pro medas diàrios, chidales e mensiles. In prus de custu, at cullaboradu cun ràdios e televisiones.

Carriera

Dae su 1997 a su 2001 est istada in Zerusalemme, in ue at sighidu su cunflitu israelu-palestinesu. Dae su 2003 sighit su cunflitu irachenu e dae su 2005 a su 2008 est istada s’ùniga zornalista italiana in Bagdad. Est istada in Ièmen in su ghennarzu de 2010 e in su santandria de su 2012 in sas istigas de Al Qaeda. In Àfriga at sighidu sas acontèssidas de Mubarak in Ezitu, sas eleghiduras in Marrocu, su campu de refuzados de sos militantes de sos responsàbiles de sos atentados in Madrid, sos atentados contra a sos hoteles israelianos in Kenya in su 2003, sa perdulada de sos refuzados in Darfur in su 2008, sa rebolussione libiana de su 2011. Peri sos annos, addae de custu, si nch’est zuta a Pàchistan, Kashmir, Afgànistan, Malèsia, Haiti e Tzile. L'ant premiada prus bortas pro sas reportadas suas. Cando non biazat, istat in Roma.