Beati monoculi in terra caecorum

Dae Wikipedia, s'entziclopedia lìbera.


Articulu in nugoresu

Beati monoculi in terra caecorum est unu ditzu latinu chi cheret narrer si bortau a sa litera: "Biados sos chi un'ocru tenent ind una terra de tzurpos". Pro "monòculus" si podet intendere siat "chie tenet un'ocru ebìa" siat "chie a un'ocru est tzurpu".

Su ditzu naschit in s'Edade de Mesu e si nat pro affirmare chi fintzas un'omine de pacu, frionzu e metzanu, podet parrer unu de cabale si postu a cuffrontu chin chie est puru pejus de issu.

In Toscana su ditzu latinu si vortat in italianu in sa manera chi sichit: "Nel paese dei ciechi, beato chi ha un occhio!" oppuru "Nel paese dei ciechi l'orbo è re". Attera vortada italiana, chi est probabile affundet sas radichinas suas in Sitzilia, est: "Nel paese dei ciechi, chi ha un occhio solo è re".

In Sardinna su ditzu in sardu est: "Ind una terra de tzecos/tzurpos, chie est a un'ocru fachet de re" o "Ind una terra de cecus/tzurpus, chini est a un'ogu fait de rei".