Bernhard H. Goetz

Dae Wikipedia, s'entziclopedia lìbera.

Bernhard Hugo Goetz (Noa Iorcu, 07/11/1947) est un’ameriganu cunnotu pro aer tiradu contra a bator zòvanos chi aiant chircadu de l’isrobare in unu trenu de su metropolitanu de Noa Iorcu, su chi aiat cunzutu sa cundenna sua pro possedimentu illegale de arma de fogu. Nche fiant cròmpidu a simbolizare sa frustradura de sos noaiorchesos pro sa rata elevada de criminalidade de sos primos annos otanta de su sègulu passadu. S’intzidente fiat acontèssidu in Manhattan su 22 de nadale de 1984 e aiat trubuscadu una debate nassionale subra de su crìmine in sas tzidades mannas, gasi etotu che subra de sos lìmites de sa defesa lizìtima.

Goetz aiat isparadu chimbe bias cun una rebortedda neta de permissu, ferende in manera sèria sos bator atacadores suos. S’imprenta noaiorchesa l’aiat paranumenadu “su bizilante de su metrò”, e sos mèdios massivos e s’opinione pùbriga l’aiant siat alabadu siat critigadu aspidamente.

Si fiat intregadu presoneri noe dies prus a tardu e fiat istadu acusadu de tentativu de mortorzu, atacu, cumportamentu perigosu e diferentes delitos relassionados cun sas armas de fogu. Una zuria l’aiat assortu a sentèntzia rassa, francu pro su possedimentu illegale de arma de fogu, pro su cale aiat cumpridu su tres-duos de una pena de un’annu.

S’intzidente est istadu tzitadu comente fatore chi at cuntribuìdu a sa formadura de unu moimentu de opinione contra a su crìmine urbanu, gasi comente a sas campannas esitosas de sa National Rifle Association, un’assòtziu ameriganu chi defendet su deretu a posseder armas cuntzèdidu dae su Custituimentu, pro su minimonzu de restringhiduras a sa zughedura cuada de armas de fogu.