Bumbe Orchestra
Limba Sarda Comuna. Abbàida sas àteras bariedades gràficas:
| Bumbe Orchestra | |
|---|---|
| Orìgine | Meana, Sardigna |
| Gènere musicale | indie rock, rock alternativu |
| Annos de atividade | 2014-oe |
| Etichetas | MSound Records Atlantide Dischi |
| Artistas assotziados | Gibe Mavo Cinotz Marisa Sotgiu Luca Cadeddu Palmas Antonio Matzeu Antioco Milia Antioco Milis WhiteFang Tunno Francesca Cavada |
| Membros | Emanuele Pintus Roberto Fiorentino Andrea Fulghesu Mauro Frau Roberto Fulghesu |
Sa Bumbe Orchestra est unu grupu musicale sardu, fundadu in su 2014.
Istòria[modìfica | modìfica su còdighe de orìgine]
Fundadu dae su musitzista e cantautore meanesu Emanuele Pintus, su grupu faghet mùsica ligada mescamente a sos gèneres de s'indie rock[1][2] e de su rock alternativu, ma collaborende fintzas cun artistas de rap e àteros gèneres musicales.
Sa prima publicatzione issoro est s'EP "Isus", de su 2014[3], ma su primu album est "A Chitzi Intendo su Sabore Tua" de su 2016[4], cun s'eticheta MSound Records, in collaboratzione cun artistas medas: Gibe a su bassu, Mavo a sa de duas chiterra, Cinotz in sos branos Civiltadi e Mantènnere, Marisa Sotgiu in Civiltadi, Luca Cadeddu Palmas in Zombie Walk, Antonio Matzeu in Aragone e Antioco Milia in Beranu.[5] In antis de su discu fiat essidu su sìngulu Sa Fossa[6]
In su 2015 pigant parte a su SUNS Sardigna, fèstival dedicadu a sa mùsica in sas limbas de minoria.[7]
In su 2019 pùblicant su sìngulu nou "Ludu", in collaboratzione cun Cinotz e Tunno[8] e binchent su de XVI Prèmiu Literàriu “Anselmo Spiga” de Santu Sparau in su fèstival Cuncambias, cun sa cantzone Guetos de santu trabadore.
In su 2020 essit su de duos albums, "Tempus Connotu", pro s'eticheta Atlantide dischi, cun unos cantos membros noos (Roberto Fiorentino e Andrea Fulghesu a is chitarras, Claudio Orefice a su bàsciu e una pariga de bateristas (Mauro Frau, Roberto Fulghesu e Vassili Casula).[5] Fintzas in custu discu, registradu dae Fabio Demontis, non mancant sas collaboratziones cun àteros artistas: Antioco Milis in sos coros, WhiteFang in Togo Togo, Tunno e Cinotz in Ludu e Frantziska Cavada in Ballerina.[5][2]
In s'abrile de su 2020 sa Bumbe Orchestra at rapresentadu sa Sardigna in Aabenraa, in Danimarca, in su Liet International Festival àteru festival musicale de importu mannu dedicadu a sas limbas de minoria.[9]
Discografia[modìfica | modìfica su còdighe de orìgine]
- 2014 - Isus
- 2016 - A Chitzi Intendo su Sabore Tua
- 2020 - Tempus Connotu
Riferimentos[modìfica | modìfica su còdighe de orìgine]
- ↑ (IT) BUMBE ORCHESTRA, in sunseurope, 12 làmpadas 2016. URL consultadu su 9 maju 2022.
- ↑ 2.0 2.1 (IT) Simone La Croce, Tempus Connotu - Bumbe Orchestra, in Sa Scena, 15 abrile 2020. URL consultadu su 9 maju 2022.
- ↑ (IT) Se con una canzone riesci a unire due Barbagie... con l'ovoddese Cinozzo, il meanese Emanuele Pintus e la Bumbe Orchestra, in Labarbagia.net, 19 santandria 2014. URL consultadu su 9 maju 2022.
- ↑ (IT) BUMBE ORCHESTRA - La musica non ha aspetti negativi, in Indiependence, 19 nadale 2019. URL consultadu su 9 maju 2022.
- ↑ 5.0 5.1 5.2 Bumbe Orchestra, in Spotify. URL consultadu su 9 maju 2022.
- ↑ (IT) Torna Bumbe Orchestra con un nuovo disco: Sa Fossa apre le danze di un altro progetto in sardo, in Labarbagia.net, 23 nadale 2015. URL consultadu su 9 maju 2022.
- ↑ (IT) Suns Sardigna festival Musica e canzoni per unire l’Europa, in La Nuova Sardegna, 25 santandria 2015. URL consultadu su 9 maju 2022.
- ↑ (IT) Ludu, il nuovo singolo della Bumbe Orchestra - Atlantide Dischi, in IndexMusic. URL consultadu su 9 maju 2022.
- ↑ (IT) Bumbe Orchestra in Danimarca rappresenterà la Sardegna, in Unica Radio, 18 nadale 2019. URL consultadu su 9 maju 2022.
Ligàmenes esternos[modìfica | modìfica su còdighe de orìgine]
- Pàgina de Facebook de sa Bumbe Orchestra, in facebook.com. URL consultadu su 7 maju 2022.
- Pàgina de Instagram de sa Bumbe Orchestra, in instagram.com. URL consultadu su 7 maju 2022.
- Testos de sas cantzones de sa Bumbe Orchestra, in genius.com. URL consultadu su 7 làmpadas 2022.
Fueddus e Sonos - Ep. 8 - Bumbe Orchestra, in YouTube.
| Controllu de autoridade | MusicBrainz dcab98a9-b811-4d82-9ddb-fd3c35492491 |
|---|