Crèsia de su Càrmine (s'Alighera)

Sa crèsia de su Càrmine in s'Alighera

Sa Crèsia de su Càrmine (in catalanu Iglésia del Carme) est unu logu de cultu situadu in su tzentru istòricu de s'Alighera, a curtzu de sos casteddos catalanos. Cunsagrada a su cultu catòlicu, faghet parte de sa parròchia de sa Cuntzetzione Immaculada de sa diòtzesi de s'Alighera-Bosa.

Sa fundatzione de sa crèsia, fata ufitzialmente su 12 de nadale de su 1644, cointzidet cun sa de su cumbentu antigu e fiat istadu òpera de duos carmelitanos catalanos, Brios e Brunacho chi, gràtzias a sas erèntzias e sas donatziones de sos bighinos, aiant pòdidu comporare tres edificios bighinos, pro los trasformare in unu grandu ispàtziu religiosu chi includet sa crèsia e su cumbentu, cun totu chi custu ùrtimu oramai esistet a causa de unu fogu chi l'aiat ispèrdidu su 1889.