Crèsia de Santu Nigola, Mavrovo
Coordinadas: 41°39′36.04″N 20°44′07.83″E / 41.660011°N 20.735508°E
Limba Sarda Comuna. Abbàida sas àteras bariedades gràficas:
.jpg)
Sa Crèsia de Santu Nigola (in matzèdone: Св. Никола Летен) est una crèsia abbandonada in Mavrovo, Matzedònia de su Nord, e afundada in su Lagu de Mavrovo. Fraigada in su 1850 cun iconas pintadas dae Dicho Zograf, sa crèsia fiat sa printzipale de Mavrovo. Cun sa costrutzione de sa tzentrale idroelètrica in Mavrovo e de su lagu artifitziale de Mavrovo, sa crèsia est istada afundata. In perìodu de sicànnia, faghet a ddoe intrare.[1]
A suta de s'àcua, sa crèsia cunservat sa costrutzione originale. Sa turre esistit ancora, ma s'internu de sa crèsia est isciarrocadu de su totu e sa cobertura nch'est ruta.[2]
Fràigu
[modìfica | modìfica su còdighe de orìgine]Su fràigu est incumentzadu in su 1850 in su territòriu de sa Regione de Mavrovo e s'est acabadu in su 1857. Su materiale impreadu est màrmuru e granitu. Is iconostasi e is iconas sunt istadas pintadas in su 1855 dae su pintore Dicho Zograf de su movimentu de s'Iscola de Arte de Debar, chi in sa Matzedònia de su Nord est cunsideradu comente a de etnia matzèdone[3][4] mentras in Bulgaria est cunsideradu bùlgaru. Unos cantos sunt istados pintados fintzas a pustis dae Maletij Bozhinov.[5][6] Est istadu fraigadu cun un'abside a chimbe lados, unu campanile e un'iconostasi.[7]
Afundamentu
[modìfica | modìfica su còdighe de orìgine]In s'agabbu de su 1952, cun su fràigu de su lagu artifitziale Mavrovo e de sa tzentrale idroelètrica de su bidditzolu de Mavrovo, is iconas e àteros ogetos religiosos agatados in intro de sa crèsia sunt istados mudados a un'àtera chi s'agatat in cue acanta. In s'ìnteri de s'afundadura, s'iconostasi de linna, is iconas, libros e ogetos religiosos sunt istados iscarèssidos a intro e recuperados a pustis. In su 1953, sa crèsia est istada afundada dae su lagu. In is annos a pustis est essidu possìbile, segundu su cuntènnidu de àcua de su lagu, a intrare in sa crèsia.[7][8]
Pranos de dda torrare a fraigare
[modìfica | modìfica su còdighe de orìgine]Una crèsia noa de Santu Nigola est istada fraigada acanta de su lagu in su 1996[9].
In su 2014, sa cumpangia Teatrix de Skopje at annuntziadu unu progetu de furriare sa crèsia a atratzione turìstica, amparende·dda. Ant annuntziadu fintzas su progetu de mantènnere sa costrutzione initziale de sa crèsia e torrare a fàghere muros e cobertura.[1]
Galleria
[modìfica | modìfica su còdighe de orìgine]- A intro
-
Sa parte de a intro de sa crèsia -
Sa parte de a intro de sa crèsia -
Sa turre de sa campana bida dae a intro -
Sa turre de sa campana bida dae a intro -
Sa parte de a intro de sa crèsia
.jpg)
.jpg)
- A foras
-
Sa crèsia bida in paris cun Mavrovo -
Sa crèsia bida cun Mavrovo a palas -
Sa crèsia, cando est a foras de s'àcua -
Sa crèsia in ierru -
Sa crèsia a suta de s'àcua
Riferimentos
[modìfica | modìfica su còdighe de orìgine]- ↑ 1.0 1.1 (MK) Nevena Popovska, Потопената црква "Св. Никола" во Маврово е проколната убавина, in Republika, 22 làmpadas 2014. URL consultadu su 15 martzu 2020 (archiviadu dae s'url originale su 28 làmpadas 2014).
- ↑ (MK) Потопената црква му одолева на времето, in Utrinski vesnik (Skopje), 24 cabudanni 2013. URL consultadu su 15 martzu 2020.
- ↑ Cvetan Grozdanov Kosta Bojadžievski, Macedonian National Treasures, Makedonska kniga, 1989, pp. 278, ISBN 9788636900901.
- ↑ Macedonian Review Volume 21, Issue 3, in Macedonian Review (Kulturen Zhivot), vol. 21, nº 3, 1991, pp. 229.
- ↑ (MK) Иконописното творештво на Дино Зограф во Скопје и Скопскиот регион, in Spisanie Premin, MPC-OA, 10 santugaine 2008. URL consultadu su 15 martzu 2020.
- ↑ (MK) Emil Aleksiev, Дичо Зограф - еден од најистакнатите македонски зографи, in Spisanie Premin, MPC-OA, 18 santugaine 2008. URL consultadu su 15 martzu 2020.
- ↑ 7.0 7.1 (MK) И животните вљубени во црквата "Св. Никола" во Маврово (ФОТОГАЛЕРИЈА), in Mkd.mk, 16 làmpadas 2014. URL consultadu su 15 martzu 2020 (archiviadu dae s'url originale su 5 abrile 2017).
- ↑ (MK) Земете здив:"Св. Никола Летен" – Маврово ,најмагичната потопена црква на светот, in Radio Slobodna Makedonija, 28 santandria 2016.
- ↑ (EN) Brko, Mavrovo - St. Nicholas (Sv. Nikola), in Journey Macedonia, 7 abrile 2015. URL consultadu su 13 maju 2025.