Crèsia de su Càrmine (s'Alighera)

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Sa crèsia de su Càrmine in s'Alighera

Sa Crèsia de su Càrmine (in catalanu Iglésia del Carme) est unu logu de cultu situadu in su tzentru istòricu de s'Alighera, a curtzu a sos casteddos catalanos. Cunsagrada a su cultu catòlicu, faghet parte de sa parròchia de sa Cuntzetzione Immaculada de sa diòtzesi de s'Alighera-Bosa.

Sa fundatzione de sa crèsia, fata ufitzialmente su 12 de nadale de su 1644, cointzidet cun sa de su cumbentu antigu e fiat istada òpera de duos carmelitanos catalanos, Brios e Brunacho chi, gràtzias a sas erèntzias e sas donatziones de sos bighinos, aiant pòdidu comporare tres fàbbricos serentes, pro los trasformare in unu grandu ispàtziu religiosu chi includet sa crèsia e su cumbentu, cun totu chi petzi custu ùrtimu oramai esistet pro neghe de unu fogu chi l'aiat ispèrdidu su 1889.