Die internatzionale de su pòpulu rom

Dae Wikipedia, s'entziclopedia lìbera.
Jump to navigation Jump to search

Flag of Sardinia, Italy.svg
Artìculu in LSC
Flag of Sardinia, Italy.svg

Sa Die internatzionale de su pòpulu rom, s'8 de abrile, est una giorronada dedicada a sa cultura rom e a crèschere sa cussièntzia a subra de is problemas de su pòpulu rom.

Die internatzionale de su pòpulu rom

Bandera de su pòpulu rom
Data 8 de abrile
Casta de festa die internatzionale

Orìgine[modìfica | modìfica su còdighe de orìgine]

Sa proclamatzione de sa die internatzionale at tentu logu ufitzialmente su 1990 a Serock, Polònia, sede de su de bator Cungressu mundiale rom, in onore de su primu adòbiu internatzionale de rilevàntzia formadu dae una rapresentatzione rom, de su 7 a su 12 de abrile de su 1971 a Chelsfield, a curtzu de Londra. Est in cussa ocasione chi est istadu istabilidu s'impreu preferente de su tèrmine rom, sa bandera ufitziale de su pòpulu rom (cun sa roda in isfundu birde e biaitu) e s'innu gelem gelem.[1]

Reatzione internatzionale[modìfica | modìfica su còdighe de orìgine]

  • Su paba Giuanne Pàule II at pedidu unu tratamentu cumpassivu e rispetosu pro sa populatzione rom.
  • Su 2004, Adam Ereli, de su Dipartimentu de Istadu de is Istados Unidos de Amèrica, at denuntziadu is abusos contra a is deretos umanos de sa populatzione rom e at pregontadu a is guvernos europeos polìticas de tolleràntzia.
  • Su 2006, sa vitze-segretària generale de su Cussìgiu de Europa, Maud de Boer-Buquicchio, s'est ammustrada preoccupada dae sa crèschida de s'antigitanismu, e at animadu a is comunidades rom de Europa a agire pro megiorare is conditziones de vida iscarsas, resurtadu dae unu protzessu de discriminatzione longu e generalizadu.[2]
  • Su 2009, sa secretària de istadu de is IUA, Hillary Clinton, at faeddadu de su cumpromissu de is IUA cun sa protetzione e sa promotzione de is deretos umanos de su pòpulu rom in Europa.[3]

Riferimentos[modìfica | modìfica su còdighe de orìgine]

  1. (IT) 8 aprile: Romano DIves | USC Shoah Foundation, in sfi.usc.edu. URL consultadu s'8 abrile 2020.
  2. (EN) Center for the Study of Democracy (a incuru de), Council of Europe Deputy Secretary General concerned at mounting anti-Gypsy feelings in Europe, in csd.bg.
  3. (EN) Secretary Clinton's Message on International Roma Day, in state.gov. URL consultadu su 3 abrile 2018.

Ligàmenes esternos[modìfica | modìfica su còdighe de orìgine]