Dionisi Burranca

Custu artìculu est iscritu in sa grafia

campidanesa

. Abbàida sas àteras bariedades gràficas:

Dionisi Burranca (Samatzai, 10 de Austu 1913 – Ortacesus, 23 de Ghennarzu 1995) est stètiu unu sonadori e maistu de launeddas sardu.

Biografia

Aiat cumintzau a sonai is launeddas in giòvunesa, imparis a su babbu Juanne, sonadori diletanti, chi l'aiat dadu una preparatzioni de basi chi l'aiat permìtidu de bintrai in s'iscola de Giusepi Sanna. Issu impreiat s'arti de sonadori in s'iscola de is Figus (Antoni, Frantziscu e Giusepi), famìlla ussanesa de sonadoris.

A sa morti de Giusepi Sanna, in su 1922, Burranca aiat sighidu a retziri letzionis de su fìllu Frantziscu, chi l'aiat trasmìtidu su mestieri de sabateri, faina chi in sa traditzioni fiat assotziada a cudda de su sonadori.

A s'edadi de 11 annus Dionisi sonat in pùblicu po una prucessioni religiosa in Samatzai e pagus annus prus a tardu resesset a otèniri cuntratus annuàlis po is ballus de sa dominiga, in antis a Biddarèga acanta de Nuràminis, prus in àtras biddas de su Campidanu. Custa faina contina finas a su pustisgherra candu sonètu e televisioni pigant prus importu de is launeddas. Su maistu, su 7 trìulas 1970, in s'ocàsioni de sa festa de Santa Lucia patróna, aiat tentu in Barrali unu cuntzertu de resessida manna, torrendi a cramai unu pùblicu de totu su Campidanu.

In su 1958 connoscit s'etno-musicòlogu danesu Andreas Fridolin Weis Bentzon, chi l'inditat cumenti a sa fonti printzipali de is istùdius sus e ùrtimu rapresentanti de s'iscola de sa Trexenta. Burranca, difatis, si fiat ammustradu in manera piessigna interessadu e disponìbili in is cunfrontus de Bentzon e aiat tòddidu personalmenti noas e materialis ùtilis a is cicas de s'antropòlogu danesu .

Dae is annus setanta, candu is launeddas connosint un'iscoperta, po Dionisi nc'est sa possibilidadi de si fài apretziai in cuntzertus e seminàrius e de tènniri ischentis nous a calis imparai sa mùsica de custu trastu antigu meda.

Sa metida fintzas in custa fasi est coerenti cun sa traditzioni, ma a su tempus matessi abertu a dogna proposta de nobidade. Duncas non tenit dificultadi a donai letzionis a chiterristas (Luca Balbo, Massimo Nardi), chi bolint cambiai is nodas a su trastu insoru, imparai a ischentis non sardus (Carlo e Alberto Mariani) e sonai in cuntestus de musica Jazz (Ornette Coleman).

Boxis liadas

Controllu de autoridade	VIAF (EN) 46955620 · ISNI (EN) 0000 0003 5464 5712 · BNF (FR) cb13988767x (data) · WorldCat Identities (EN) 46955620