Esércitu Irlandesu de Liberatzione Natzionale

Militantes de s'INLA in d'una tzerimonia.

S'Esércitu Irlandesu de Liberatzione Natzionale (in inglesu Irish National Liberation Army INLA, in gaelicu Arm Saoirse Náisiúnta na hÉireann) est unu grupu para-militare istoricu de ideale comunista repubricanu irlandesu chi at partetzipau in sa Gherra in s'Irlanda de su Norte dae su 1974 a su 1998, acabende is operatziones militares suas in manera ufitziale in su 2009.

Su grupu est galu in atividade politica tenende si unu propiu partidu politicu, su Partidu Sotzialista Repubricanu Irlandesu.

Fundadu dae unu distaccu in intro de sa PIRA e de s'Offical IRA in su mese de Nadale de su 1974, teniat cumente obietivu sa liberatzione de is 6 provintzias istoricas de su norte de s'Irlanda dae sa domadura Britanica e sa costitutzione de unu istadu irlandesu sotzialista.