Frank Serpico

Francesco Vincent Serpico (nàschidu in Noa Iorcu su 14 de abrile de 1936) est un'azente antigu de su Departamentu de Polima de sa tzitade de Noa Iorcu de orìzine italiana (babos suos fiant emigrados a sos IUA dae Marigliano, una bidda a curtzu de Nàpule), famadu pro aer iscobertu su livellu artu de currompidura chi esistiat in sas filas de sa polima de sa metròpolis in s'oru de s'Hudson intre sos annos sessanta e setanta de su sègulu coladu, un'atu de balentia chi nch'aiat zutu a John V. Lindsay su sìndigu a numenare pro sa prima bia una cummissione, sa Knapp, pro realizare imbestigaduras in intro de sa polima noaiorchesa. Su prus de sa numenada sua Serpico l'aiat lograda a pustis de sa rodadura de sa pellìcula Serpico in su 1973, protagonizada dae Al Pacino, chi fiat istadu propònnidu pro unu prèmiu Oscar.