Ghost in the Shell (film)

Dae Wikipedia, s'entziclopedia lìbera.


Articulu in nugoresu

Ghost in the Shell (GHOST IN THE SHELL/攻殻機動隊 Gōsuto In Za Sheru/Kōkaku Kidōtai?) est unu filme giapponesu chi at direttu Mamoru Oshii e prubicàu in su 1995. Sos argumentos suos bènin derèttu dae su manga de Masamune Shirow, chi tenet su matessi lùmen. S'animassione est opera de Production I.G, e s'issenezadùra de Kazunori Itō. Sos chi dàen sa boche giapponesa a sos pessonàzos sun Atsuko Tanaka, Akio Ōtsuka e Iemasa Kayumi. Una versione nova, chin tantu de audio e grafica 3D annoàda, an fattu in su 2008, chi tenet su lùmen de Ghost in the Shell 2.0.

Ghost in the Shell contat sa cassa, dae parte de s'agentzia de sicuràntzia "Setzione 9", de un'hacker connòttu comente Puppet Master (Su Segnore de sos Burattinos). Chin s'azùdu de su grupu suo, su majòre Motoko Kusanagi si atòbiat chin su sospettàu, pètzi pro che intrare a mala bòzza ind unu cumpricàu imbolicu politicu.

Su filme lu an prubicàu in su 18 de Sant'Andrìa de su 1995 e at collìu, in generale, critica positiva dae parte de sos espertos e fìntzas de direttores comente Irmáns Wachowski e James Cameron. S'animassione sua est istàda laudàda meda. Unu sichidòre, chin su lùmen de Ghost in the Shell 2: Innocence, an fattu in su 2004.