Giagu Ledda

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Giagu Ledda
Nàschida	1949 Uri
Natzionalidade	Sardu
Situ ufitziale https://iscrieinsardu.blogspot.com/

Giagu Ledda (Uri, Sardigna, 1949) est unu dotore anestesista e unu tradutore sardu.

Nàschidu in Uri, istat in Catalugna dae su 1981. Sa limba mama sua est sa sarda, e pro annos medas issu s'est dedicadu a sa defensa e a sa difusione sua. At collaboradu e collàborat cun artìculos a rivistas sardas, in pabiru e digitales, e at bortadu a s'editzione sarda de Le Monde Diplomatique diferentes artìculos de s'editzione frantzesa.

Pro su chi pertocat a sos libros, at bortadu a su sardu libros dae s'italianu, dae su catalanu e dae s'ispagnolu.

Dae s'originale italianu, at bortadu sos romanzos Pòju Luàdu, de s'iscritora Maria Giacobbe e Sa mama e Còsima de s'iscritora Gràtzia Deledda, prèmiu Nobel in su 1926.

De su catalanu, imbetzes, at bortadu a su sardu sa su romanzu de Mercè Rodoreda Sa pratza de su Diamante, s'Elògiu de sa paràula, Elògiu de sa poesia de Joan Maragall e, paris cun àteras deghessete limbas, curada dae s'Universidade de Valladolid, at publicadu sa tradutzione a su sardu dae su càntigu VIII de su Poema de su Bosch, de Lisandru de Riquer, in prosa.

Dae s'ispagnolu, at bortadu s'antologia poètica Su coro meu est una mariposa, de Federico García Lorca.

In su 2022, cun sa domo editora NOR, at publicadu su Ditzionàriu de tèrmines mèdicos: plurilìngue, terminològicu, istòricu, unu ditzionàriu modernu e cumpletu de meighina in sardu e cun tradutziones in italianu, catalanu, ispagnolu, frantzesu e inglesu.

Òperas

Libros iscritos

• (SC, IT, CA, ES, FR, EN) Giagu Ledda, Ditzionàriu de tèrmines mèdicos: plurilìngue, terminològicu, istòricu, Ilartzi, NOR, 2022, ISBN 978-88-3309-118-1, SBN IT\ICCU\CAG\2150227.
  • Versione digitale: (SC, IT, CA, ES, FR, EN) Giagu Ledda, Ditzionàriu de tèrmines mèdicos: plurilìngue, terminològicu, istòricu, Ilartzi, NOR, 2022, ISBN 9788833091198.

Tradutziones

Tradutziones dae s'italianu

• Maria Giacobbe, Pòju Luàdu, tradutzione de Giagu Ledda, Tàtari, EDES, 2012, ISBN 9788860252432, SBN IT\ICCU\CAG\1950356.
• Grazia Deledda, Sa mama, tradutzione de Giagu Ledda, Tàtari, LogoSardigna, 2016.
• Grazia Deledda, Còsima, tradutzione de Giagu Ledda, Ilartzi, NOR, 2025, ISBN 978-88-3309-152-5.

Tradutziones dae su catalanu

• Mercè Rodoreda, Sa pratza de su diamante, tradutzione de Giagu Ledda, Nùgoro, Papiros, 2008, SBN IT\ICCU\CAG\1719337.
• (SC, CA) Joan Maragall, Elògiu de sa paràula, elògiu de sa poesia / Elogi de la paraula, elogi de la poesia, tradutzione de Giagu Ledda, Tàtari, LogoSardigna, 2015, ISBN 978-88-94020-02-1, SBN IT\ICCU\CAG\2080562.

Tradutziones dae s'ispagnolu

• (SC, ES) Federico García Lorca, Su coro meu est una mariposa/Mi corazón es una mariposa, tradutzione de Giagu Ledda, Nùgoro, Insula, 2024, ISBN 978-88-86111-63-8, SBN IT\ICCU\CAG\2165052.

Ligàmenes esternos

• Blog de Giagu Ledda, in iscrieinsardu.blogspot.com. URL consultadu su 15 freàrgiu 2026.