Giogu de azardu

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Caravaggiu, sos bàrios, 1594 casi

Su giogu de azardu, pro s'ordinamentu penale italianu, est unu tipu de giogu cun punna de lucru e in ue sa bìnchida o pèrdida est de su totu o agiumai aleatòria. Cunsistet in sa iscummissa de benes, pro su prus dinari, a subra de s'èsitu de unu eventu benidore. Pro traditzione sas cuotas sunt pagadas in cuntante.

Custu eventu si podet averguare in s'àmbitu de unu giogu de sotziedade, comente a sa roulette, o de una gara, comente sas cursas de caddos, e, in generale, cale si siat faina chi fatzat a iscummìtere a subra de su resurtu.