Jump to content

Il Messaggero Sardo

Dae Wikipedia, s'entziclopedia lìbera.
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu


Il Messaggero Sardo est unu mensile fundadu in Casteddu in su 1969; dae su 2010 est publicadu fintzas in lìnia.

Istòria[modìfica | modìfica su còdighe de orìgine]

Su periòdicu l'ant fundadu in su 1969, pro initziativa de s'assessore regionale a su Traballu de tando, Ànghelu Giagu De Martino, e at tentu che a diretores Lucio Artizzu e a pustis Enrico Clemente. Intre sos collaboradores bi sunt istados Gianni Massa, Giorgi Melis e Romano Azuni.[1]

Sa Regione Autònoma de sa Sardigna finantziat sa publicatzione sua in base a s'artìculu 18 de sa lege regionale 15 ghennàrgiu 1991, n.7), cun sa punna de favorire sos ligàmenes culturales e formativos intre s'Ìsula e sos sardos disterrados in su mundu. Dae su 1974 a su 2010 a gestire sa rivista fiat sa Cooperativa Messaggero Sardo. Dae su 2010 sa Cooperativa no esistit prus, ma su traballu suo lu sighit a fàghere s'Assòtziu Culturale Messaggero Sardo.[2][1]

Su periòdicu favorit sos iscàmbios cun sos tzìrculos de sos emigrados e sos entes locales de sa Sardigna.[3][4] Sos argumentos tratados sunt cuddos relativos a s'emigratzione, istòria, atualidade, sotziedade, economia, traballu, polìtica, cultura e isport. A dies de oe su giornale benit distribuidu in prus de 74 paisos in su mundu e est imprentadu in 75'000 còpias.

Riferimentos[modìfica | modìfica su còdighe de orìgine]

  1. 1.0 1.1 (IT) Il Messaggero Sardo, in www.CarloFigari.it, 3 santugaine 2017. URL consultadu su 16 freàrgiu 2023.
  2. (IT) Carlo De Candia, Chi Siamo, in il messaggero sardo. URL consultadu su 16 freàrgiu 2023.
  3. (IT) Francesca Mazzuzi, «Il Messaggero Sardo». Il giornale di “tutti” gli emigrati sardi, in Ammentu: Bollettino Storico e Archivistico del Mediterraneo e delle Americhe, nº 17, 2020, pp. 51–64. URL consultadu su 16 freàrgiu 2023.
  4. (IT) Il messaggero sardo, in Emigrati Sardi Disterraus sardus. URL consultadu su 16 freàrgiu 2023.

Bibliografia[modìfica | modìfica su còdighe de orìgine]

Ligàmenes esternos[modìfica | modìfica su còdighe de orìgine]