Iscopofilia

Articulu in logudoresu

Su tèrmine “iscopofilia” o, in manera cullochiale, “mironismu” (una pessone chi pràtigat s'iscopofilia est narada aversarmente “mirone”), ìnditat sa postura e sa pràtiga sessuale de sos chi, pro lograre s'essitadura o su praghere sessuale, disizant e istimant abaidare o ispiare pessones mesunuas, nuas o in fatu de s'ispozare, gasi etotu che pessones realizende un'acapiadura sessuale. Sa masturbadura acumpanzat fitianu s'atu iscopofìligu.

S'iscopofilia podet assuntare diferentes formas, peroe sa caraterìstiga sua printzipale est chi sos mirones normarmente non sunt relassionados deretamente cun sa pessone de s'interessu issoro, chi fitianu iscunnoschet de esser pompiada. S'iscopofìligu podet esser definidu, in su matessi modu, comente una pessone chi gosat bidende situassiones de sufrimentu e disaura de sos àteros.

In unas cantas curturas, su mironismu est cussideradu una pràtiga desviadora e finas unu crìmine sessuale. In su Rennu Aunidu, s'iscopofilia sena cussentimentu est devènnida unu delitu dae s'1 de maju de 2.004, cando ch'in Cànada ant aproadu una leze assimizadora a s'agabu de su 2.005.