Charles Bukowski: diferèntzias tra is versiones

Dae Wikipedia, s'entziclopedia lìbera.
Content deleted Content added
m r2.6.4) (Bot: Aggiungo: kk:Чарльз Буковски
m r2.7.2) (Bot: Aggiungo az:Çarlz Bukovski
Lìnia 50: Lìnia 50:
[[Categoria:Literadura]]
[[Categoria:Literadura]]


[[az:Çarlz Bukovski]]
[[be:Чарльз Букоўскі]]
[[be:Чарльз Букоўскі]]
[[bg:Чарлз Буковски]]
[[bg:Чарлз Буковски]]

Revisione de is 09:29, 2 Abr 2012

dessinniu de Charles Bukowski

Charles Bukowski (Andernach, 16 austu 1920 – San Pedro, 9 martzu 1994), est istadu unu iscritore e poeta de sos Istados Unidos.

S'opera sua fiat caraterizada de una forte componente autobiografica e duncas de su rapportu suo cun s'alcol, cun sas feminas e cun totu sa sotziedade.

Sa Vida

Gioventude

Heinrich Karl Bukowski naschiat in Adernach, Germània, de Katarina Fett, tedesca, e de Heinrich Bukowski, americanu de origine polaca e tedesca. Issu affermait de essere figiu illegitimu, ma is documentas anagraficas de Adernach narant ca su babbu e sa mamma si cogiaiant unu mese in antis de sa naschida sua. Sa famillia sua emigraiat in America cando issu teniat duos annos, pro ite in Germania a pustis de sa I Gherra Mundiale s'economia fiat a su collassu, e andaiat a bivere in antis in Baltimora, Maryland, ma in su 1930 si trasferiat in Los Angeles, Califòrnia. In su romanzu 'Panino al Prosciutto', issu contat ca su babbu fiat fatufatu chentza triballu e meda malu cun sos figios. A pitzinnu fiat meda birgunzosu, peus prus a mannu cando si immalaidaiat de acne, e creschiat solu pro ite sos canteapares ddu istrochiant pro s'atzentu tedescu chi teniat e pro comente beniat obligadu a si bestire. Fit pitzocheddu cando comintzaiat a buffare alcol impare a s'amigu fidau William 'Baldy' Mullinax, figiu de unu silurgianu alcolizau. A pustis de su diploma si studiaiat cursos de arte, giornalismu e literadura in s'universidade pro duos annos, ma lassaiat sos istudios cun su comentzu de sa II Gherra Mundiale, e moviat a New York pro comentzare sa carriera de iscritore. Bukowski no andaiat in gherra pro ite fit giuigadu non idoneu.


Primos Iscritos

Su primu contu beniat publicadu candu teniat 24 annos in sa rivista Story, su segundu contu beniat publicadu duos annos a pustis in una ragolta de Portfolio III. A coa lassaiat sa iscritura pro deghe annos e abarraiat in Los Angeles o in ateras parte de sos Istados Unidos, triballende pagu. In sos annos chimbanta agataiat triballu comente postinu chi però abandonaiat tres annos a pustis. In su 1955 fit giai morende pro una liaga in s'istomogo e comente sanaiat torraiat a iscriere poesias. In su 1957 cogiaiat Barbara Frye, una poetessa de su Texas chi no aiat mai biu in antis. A pustis de su divotziu in 1959, issu torraiat a comentzare a buffare.


Annos Sessanta

Torraiat a triballare in s'offitziu postale de Los Angeles in ue abarraiat pro deghe annos. In su 1962 moriat Jane Cooney Baker, primo amore suo, cunsiderada de sos biografos de Bukowski ispiadora de sa produtzione de Bukowski. Issu ddi dedicaiat una regorta de poesias chi ndi pranghiant sa morte. In su 1964 sa cumpanza Frances Smith ddi daiat s'unica figia, Marina Louise. In su 1967 Bukowski incomintzaiat a iscriere Taccuino di un vecchio porco, chi publicaiat in puntadas in 'Open City' revista de Los Angeles. Cun sa serrada de 'Open City' sos contos sighiant a bennere publicados in su 'Los Angeles Free Press'e in su NOLA Express de New Orleans, Louisiana. In su 1969 si dedicaiat a una revista literaria sua chetza de tennere successu.

Sos annos Black Sparrow

In su 1969 atzetaiat s'oferta de John Martin, editore de sa Black Sparrow: 100 dollaros a chida pro totu sa vida. Detzidiat duncas de lassare su triballu a sas postas pro si dedicare a s'iscritura. Teniat barantanoe annos. Comente at ispiegadu in una litera "tenia isceti duas possibiliadades - abarrare a s'ofitziu postale e m'amachiare... o mi nch'andare e giogare a faghere s'iscritore e morrere de famene. Detzidia de morrere de famene". A mancu de unu mese a pustis agabaiat su primu romanzu suo, Post Office, chi ddu faghiat famadu. Bukowski, pro respetu e riconnoschéntzia a sa fidutzia dada a issu, publicaiat giai totus sos romanzos a sighire cun sa Black Sparrow. In su 1976 connoschiat Linda Lee Beighle, e biviat impare a issa prus de duos annos, mancae fatufatu si lassaiaint pro ite issu s'istracaiat de sa relatzione e da bogaiat de domu. Bukowski, iscriende de Linda, narat ca issa ddi aiat ragaladu ateros deghe annos (pro ite ddu obligaiat a buffare prus pagu e isceti binu). Si cogiaiant in su 1985.

Morte

In su 1988 si malaidaiat de tisichéntzia, ma sighiat a iscriere e publicare liburos fentzas a cando, su 9 martzu 1994, moriat pro una leucemia fulminante in San Pedro, pagu a pustis de aere agabadu s'urtimu romanzu Pulp. S'interru fiat fatu de mongios buddistas. Sa tumba sua narat: "Don't try", chi cheret narrere non proves, frasa chi aiat usadu in una poesia cunsizende sos aspirantes iscritores e poetas.

Opera

Bukowski publicaiat iscritos meda numerosos de sos primos '40 fintzas a sos primos '90.

Issu reconneschiat ca s'iscritua sua fiat influentzada Anton Chekhov, James Thurber, Franz Kafka, Knut Hamsun, Ernest Hemingway, Henry Miller, John Fante, Louis-Ferdinand Céline, Robinson Jeffers, Fedor Dostoevskij, D. H. Lawrence, Antonin Artaud, E. E. Cummings.

Fatufatu su nomene suo est istadu assotziadu a su movimentu de sa beat generation, essende s'istile suo de iscriere informale e anticunformista, issu però non s'identificaiat mai comente "beat".

Los Angeles est su logu chi faghet de isfundu a manna parte de sos iscritos suos, in ue sos tratos de sa sotziedade e de s'umanidade postos a lughe sunt prusatotu sos prus miseros e contraditorios, contados cun ironia e marigore.