Argia

Argia, alza. Si cherimos faddare de s'alza, andamos a s'iscuru. Paret chi un aranzolu (Latrodectus tredecimguttatus) chi s'agattat in sas campagnas assoladas, in s'istiu, cando punghet procurat dolore e chi eppada effettos tossicos po sos nervios. Po curare chi est istadu colpadu si faghiant dantzas rituales, po che catzare su male. Su disturbu beniat puru attribuidu a unu animale misteriosu (dimoniu), e custu at fattu naschere contos, legendas subra custu animale e custu disturbu. Cando sa meighina ufficiale at cherfidu istudiare sos “casos de alza” custos funt già iscumparsos.