Noa Inghilterra

Artìculu in LSC

Posidura de sa Noa Inghirterra in sos USA

Bandera istòrica de sa Noa Inghirterra

Sa Noa Inghirterra (in ingresu New England) est una regione de sos Istados Unidos de Amèrica chi s'agatat a cara de s'Ocèanu Atlànticu.

Cun sa regione de Mediu-Atlanticu format s'area Nord-Est de sa natzione. Sa prus manna tzitade est Boston, chi est fintzas tzentru econòmicu e de curtura printzipale.

Est cumposta de sos 6 istados de :

• Connecticut
• Maine
• Massachusetts
• New Hampshire
• Rhode Island
• Vermont

Su faeddu in ingresu pro inditare unu bividore de sa Noa Inghirterra est New Englander, o su nomìngiu Yankee.

Istòria

In origine sa Noa Inghirterra fiat bivida de populatziones amerindas, ma a partire de su seculu XVII est istada a manu a manu colonizada de sos Babbos Pillingrinos chi, persighidos pro chistiones religiosas in Europa, fiant disterrende de su Renniu Aunidu.

Est sa regione chi at progetadu sa rivolutzione contra sos britannicos chi at tentu a resurtadu s'indipendèntzia de sa corona. Si fiat imbetzes oponida a sa gherra de su 1812 contra su Rennu Aunidu.

In su sèculu XIX at tentu rolu de prima linia pro s'abolitzione de s'iscravidade, s'isvilupu de sa literadura e sa filosofia e no a ùrtimu de s'industrializatzione.

Est istada sa prima regione de sos Istados Unidos de Amèrica a s'iscerare cun identidade propia.