Istìria

Artìculu in LSC

S'Istìria (in tedescu: Steiermark [ˈʃtaɪ.ɐmaʁk], in islovenu e croatu: Štajerska, in ungheresu: Stájerország) est unu istadu o Bundesland postu in su sud-estu de s'Àustria. Sa capitale est Graz, sa limba su tedescu, ma s'agatat fintzas unu minoriu islovenu (unas 4250 pessones).

S'Istìria contat populatzione de unos 1.210.700 bividores e cun istèrrida de 16,401.04 km2 est su segundu land prus mannu de sa natzione. Allàcanat in s'uestu cun su Land de Salzburg, in su norti cun is land de Arta Àustria e Bàscia Àustria, in s'estu cun su de Burgerland, in su sud cun sa Carìntzia e cun s'Islovènia.