Tzinesos

Articulu in logudoresu

Si narat tzinesu calesisiat persone o zente assotziada a sa Tzina, siat pro chistiones de erentzia, natzionalidade, tzittadinàntzia, residentzia o ateru.

Ateros contos

Paritzos grupos etnicos biven in Tzina. Siat issos, siat zente chi bi tenet ligamine, si podet narrer "tzinesu".

Sos tzinesos Han, su grupu prus mannu in Tzina, si poden cunsiderare comente a cussos "berdaderos" o "etnicos"; sos Han fachen majoria o manoria manna in ateros istados foras de Tzina, e cumprenden su 19% de su genere umanu.

Ateros sun sos Zhuang, Hui, Manchu e Uiguros. Sa Republica Populare Tzinesa bi nde reconnoschet 56, cun calicunu chi est in regiones amministrativas ispetziales. Taiwan, de manera ufitziale, reconnoschet sa presentzia de 14 tribù de indigenos, chi paris cun ateras fachen su 2% de sa populatzione taiwanesa. Sa lista de grupos etnicos in Tzina depet cumprender cussos de Tzina propria e Taiwan.

A tempus de gubernu Qing, su faveddu "populu tzinesu" (中國之人 Zhōngguó zhī rén) fit in impreu pro inditare totus sos chi fin suzetos a s'Imperju de Mesu, cumprendende Han, Manchu e Mongolos.

Zhonghua minzu (tzinesu fattu simpre: 中华民族; tzinesu classicu: 中華民族; pinyin: Zhōnghuá Mínzú) o "natzione tzinesa" est unu cuntzettu chi brincat làcana etnica e cumprendet sos 56 grupos etnicos in Tzina chi si reconnoschiat dae, a su mancu, s'epoca Qing (1644–1911). "Zhonghua minzu" si naraiat tambene in sa Republica Tzinesa (1911-1949) pro inditare 5 grupos etnicos ebbìa. Custu faveddu nche at bocadu zhongguo renmin (中国人民), populu tzinesu, in impreu cando bi aiat Mao Zedong.