Indipendentismu

Articulu in nugoresu

Su indipendentìsmu est cussu fenomenu in politica in ube una comunidade pùnnat a si nche picare s'indipendèntzia dae s'istadu chi nde fachet parte, fravicàndeche un'ateru. A s'ispissu in su limbazu espressivu, prus de manera negativa chi non ateru, si imprèat su favèddu de separatismu.

Unu fenomenu chi si bi podet puru assimizàre, s'autonomismu, est a che lu pònner a banda, ca cussu tenet imbetzes sa boluntade de pedire a s'istadu prus potere de poder picare issèperos vinculàntes e, a su solitu, est prus pacu radicale.

Medas bortas s'indipendentismu proponet sas resones suas in supra de su printzìpiu de autodeterminassione, chi su Derèttu Internassionale reconnoschet, e in supra de su fatu chi su populu in chistione etotu apat tentu s'indipendentzia in passau (a nois a curtzu o atesu chi siat). In prus, a s'ispissu si fachet riferimentu a s'idea (in origine giacobina) de istadu-natzione, punnande a si facher reconnoscher che istadu soberanu e natzione cufforma a cussu chi dìat tenner sa comunidade presa.

S'indipendentismu, mancari medas oppositores lu pintent che a natzionalismu turpu e surdu, podet tenner imbetzes a costàzu o finamèntas che base sua medas ideologias, dae sas de drèsta a su marxismu de manca.

Boches curreladas

• Indipendentismu sardu