Babbu nostru

Su Babbu nostru (in latinu Pater Noster, in gregu Πάτερ ἡμῶν) est sa prus connota de is pregadorìas cristianas.

Innoe unas cantas versiones:

(mesania???)	(logudoresu)	(campidanesu)
Babbu nostru, chi stas in sos celos, santificadu siat su numene tuu, benjat a nois su rennu tuu, siat fatta sa voluntade tua comente in su celu in sa terra. Dae-nos oe su pane nostru cotidianu, perdona-nos sos peccados nostros comente nois los perdonamus, libera da onji tentathione libera-nos a male. Amen.	Babbu nostru chi ses in sos chelos, santificadu siat su nomene tou, benzat su regnu tou, siat fatta sa voluntade tua, comente in chelu gai in terra. Da nos su pane nostru de ogni die, perdona sos depidos nostros, comente nois perdonamos a sos depidores nostros, e no nos lessas ruere in sa tentascione, libera nos dae su male. Amen.	Babbu nostu chi ses in is celus siat santificau su nòmini tuu, bengiat a nosu s'arrènniu tuu, siat fata sa voluntai tua, comenti in su celu aici in sa terra. Su pani nostu de dònnia dì donanosidd'oi e perdonasì is pecaus nostus comenti nosatrus ddus perdonaus a is aremigus nostus, non si lessis arrui in sa tentatzioni e liberanosì de mali. Amin.